На српскиот пејач Ѓорџе Николиќ, познат како Ѓорѓе Давид, привремено му е одземен пасошот поради сообраќајната несреќа, во која тој беше директен учесник, а во која загина 49-годишна кумановка.

„По предлог на Основното јавно обвинителство Куманово, на странскиот државјанин, кој учествуваше во тешката сообраќајна несреќа кај Табановце, му се определени мерки на претпазливост – привремено одземање патна и друга исправа (лична карта и возачка дозвола) за преминување на државната граница и обврска да се јавува во судот“, информираат од Обвинителството.

Несреќата се случила завчера, 20 јануари, околу 20 часот, најверојатно поради густа магла, а во несреќата учествувале три автомобили.

Тој за српскиот печат изјави дека глетката била страшна, дека полицијата му направила алкотест, кој покажал дека нема алкохол во крвта, а дека во болница му ја зашиле повредената рака.

Давид за медиумите изјавил дека веднаш се видело оти тој нема вина за несреќата, туку дека наводно виновна е жената што возела и која во автомобилот била со мајка си и која излегла од возилото. Тој ќе остане во Македонија до завршувањето на законските постапки.