Вработена во Општина Гази Баба пријавила дека ја нападнал советник.

Според информациите на МВР, вчера, во 20.20 часот, во Полициската станица Гази Баба, Б. М. (42) од Скопје пријавила дека на 29 април, околу 14.30 часот, на нејзиното работно место во објектот на Општина Гази Баба, А. Т., советник од една политичка партија, ѝ упатил закани, а се обидел и физички да ја нападне, но бил спречен од присутните советници.

Од МВР велат дека се преземаат мерки за расчистување на случајот.

Неексплодирана граната била пронајдена во нива во охридското село Лескоец.

Според информациите на МВР, вчера, во 17 часот, во полиција било пријавено дека во нива во охридското село Лескоец била пронајдена граната.

Од извршениот увид било констатирано дека се работи за неексплодирана артилериска граната во калибар од 55 милиметри, која потекнува од периодот на Првата светска војна.

Гранатата била безбедно подигната од стручно лице од Центарот за управување со кризи.

47-годишно лице од Р.Турција со престојувалиште во Скопје е приведено откако претходно по него турската полиција имала распишано меѓународна потерница за убиство.

Според МВР, вчера во 17 часот од полициски службеници од СВР Скопје на подрачјето на Карпош бил лишен од слобода З.С.(47) од Р Турција со престојувалиште во Скопје, кој се барал по меѓународна потерница за сторено крвично дело убиство.

Тој бил задржан во полициската станица Карпош за понатамошна постапка, информираат истражните органи.