Топ
Рекетари на сила однеле човек на нотар во Тетово и го принудиле да им го препише неговото „масерати“
Скопскто Основното јавно обвинителство денеска поднесе обвинение против шест лица, меѓу кои и една нотарка, за сторени кривичнии дела изнуда (помагање за изнуда), загрозување на сигурноста и несовесно работење во службата. Преку овие кривични дела тие насилно одзеле автомобил „масерати“ од оштетениот во случајот.
За помагање при извршување изнуда обвинета е жена, која делото го сторила на 6 септември минатата година и го остварила првиот телефонски контакт со оштетениот, при што му се претставила како девојка на првообвинетиот и побарала од него средба и финансиска помош.
Таа го намамила да се сретнат следниот ден на улицата Качанички Пат во Визбегово.
Кога дошол на средбата, го опколиле другите обвинети, кои на повеќе локации на Качанички Пат, автопатот Скопје – Тетово, патарината „Глумово“, но и во нотарската канцеларија на обвинетата нотарка во Тетово, со употреба на сила и закани го принудувале оштетениот, нанесувајќи му повреди, да им го препише сопствениот автомобил „масерати“, без притоа да му биде платено.
Обвинетата нотарка се товари дека несовесно постапила во вршење на своите овластувања, па поттикната од првообвинетиот ја отворила нотарската канцеларија надвор од работното време, го составила договорот за купопродажба на возилото наведувајќи притоа повеќекратно помала и нереална цена од 2.950 евра.
Иако не било извршено никакво плаќање на наведената цена, во договорот таа навела дека сумата од 2.950 евра била исплатена пред нотарот на денот на заверка на потписите, со што овозможила нелегален пренос на сопственоста над автомобилот во корист на првообвинетиот.
Второобвинетиот во овој предмет на 8 септември минатата година при обидот да биде уапсен ја загрозил сигурноста на полицаец во реонот на езерото Треска, кој постапувал по наредба. Тој му се заканил на полицаецот дека ќе го убие и по 10 години кога ќе излезе од затвор.
За четворица од обвинетите, кои претходно имале определен куќен притвор, надлежниот јавен обвинител побарал продолжување на мерката, со цел непречено водење на кривичната постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
38-годишен маж силувал малолетник во Струмица
Синоќа во 23.50 часот, полициски службеници од СВР Струмица лишиле од слобода 38 – годишен жител на Струмица.
Тој се сомничи дека извршил обљуба врз малолетник од Струмица.
Лицето е задржано во Полициската станица Струмица, за настанот е запознаен јавен обвинител од Основното јавно обвинителство Струмица и по документирање на случајот против него ќе биде поднесена соодветна пријава.
Македонија
Трендафилов: Тешко е да преживеете со 370 евра кога минималната кошничка е над 1.000 евра, раст на минималната плата да има и годинава
Сојузот на синдикатите на Македонија (ССМ) очекува да го разгледа предлог-буџетот за следната година во делот за раст на платите, но очекува раст на платите да има и во следните два месеца на вработените во секторите чии плати годинава не беа покачени. Претседателот на ССМ, Слободан Трендафилот, вели дека го охрабрила сменетата реторика на Владата.
„Тоа што мене лично ме охрабрува, а и ССМ како организација на работниците, е тоа што од реториката – нема, нема, нема, нема, полека почнуваат да се изнаоѓаат средства за раст на платите на вработените во оние сектори што не добија оваа година. На последната седница на Економско-социјалниот совет добивме ветување од претседателот на Владата и од министерот за економија и труд дека по поминувањето на првичниот филтер во Владата и сработеното во собраниската комисија, кога ќе го вратат буџетот со забелешки и предлози по амандманите од страна на пратениците, ќе се одржи седница на Економско-социјалниот совет, на која ќе ги гледаме ставките во буџетот што се однесуваат на растот на платите, кои се потребни да се реализираат и оваа, меѓутоа и наредната година“, вели Трендафилов.
Покрај проекциите во буџетот за следната година, во следните два месеца Трендафилов смета дека треба да се покачи и минималната плата, а покачување да има и в година.
„Се разбира дека и растот на минималната плата, кој треба да се реализира побргу, треба да биде предвиден и во новиот буџет, меѓутоа ќе треба да се предвидат средства, веројатно, и оваа година доколку се случи тоа што е можно побргу имајќи предвид дека животот на работниците и животот на граѓаните станува сѐ поскап. Тешко е да преживеете со 370 евра денеска кога минималната синдикална кошничка веќе изнесува повеќе од 1.000 евра“, рече претседателот на ССМ, Трендафилов.
ССМ уште во мај побара еден од приоритетите на новата Влада да биде покачување на минималната плата на 450 евра. Минималната плата за оваа година, според последните пресметки на Државниот завод за статистика, изнесува 22.567 денари или 366 евра.
Македонија
„Ако нешто не е во ред и гледаш дека е така, а молчиш, со молкот стануваш соучесник“, напиша Шилегов
Поранешниот скопски градоначалник, Петре Шилегов повторно се огласи преку социјалната мрежа Фејсбук.
„1.000 зошто, едно затоа: За да нема нејаснотии, бидејќи имам многу јавувања, многу пораки, многу коментари: ако нешто не е во ред и гледаш дека е така, а молчиш, со молкот стануваш соучесник …“, напиша денеска Шилегов.
Шилегов во претходната објава на фејсбук ја нарече СДСМ заробена партија со двајца октроирани „лидери“, тезгароши.