Топ
Се бара притвор и куќен притвор за крадците што ограбиле трафики и аптеки во Скопје

Обвинителствто побара притвор за едниот од двајцата крадци што ограбиле две трафики и четири аптеки во Скопје. Обвинителството за вториот достави предлог за определување мерка куќен притвор.
Според деталите што ги објави Обвинителството, двајцата крадци со употреба на сила и закана дека непосредно ќе нападнат врз животот и телото на една оштетена, одзеле 23.000 денари од киоск во Скопје. Притоа, едниот осомничен чувал стража, а другиот употребил метален пиштол – запалка за да ѝ се закани на вработената. По извршеното разбојништво, и двајцата избегале во непознат правец.
На 30 ноември на истиот начин се обиделе да извршат разбојништво во аптека, но оштетената вработена во аптеката одбила да им ги даде парите по што тие се откажале од намерата и избегале.
На 7 декември осомничените, маскирани и употребувајќи сила и закана дека непосредно ќе нападнат врз животот и телото на една оштетена, одзеле 13.000 денари од киоск и повторно избегале.
На 10 декември двајцата осомничени извршиле разбојништво во аптека и одзеле 8.665 денари во разни апоени.
Два дена подоцна лицата се обиделе да ограбат колонијал, повторно заканувајќи се со металниот пиштол – запалка. Вработената на која ѝ ги побарале парите одбила да ги даде, а под касата извадила дрвена палка по што тие се откажале од намерата и избегале.
На 17 декември извршиле разбојништво во аптека, од каде што одзеле 14.200 денари со намера противправно да ги присвојат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кина со порака до Вашингтон: Уште една посета може скапо да ве чини

Кина одговори на извештаите за планот на претседателот на Претставничкиот дом на САД, Кевин Мекарти, да го посети Тајван оваа пролет, пренесуваат медиумите во светот.
Според написите, Кина го повикува Вашингтон да се придржува до принципот „една Кина“ и да се воздржи од правење се што може да влијае на билатералните односи.
Портпаролката на кинеското Министерство за надворешни работи Мао Нинг на прес-конференција рече дека Пекинг „се противи на каква било официјална интеракција со Тајван од која било земја што има дипломатски врски со Кина“, пренесува „Кјодо“.
Според извештаите на американските медиуми, Министерството за одбрана на САД се подготвува за посетата на Мекарти на Тајван.
Мао ги предупреди САД да не го нарушуваат мирот и стабилноста преку Тајванскиот теснец.
Минатиот август, Ненси Пелоси, која го наследи Мекарти на функцијата, го посети Тајван, што предизвика жестока реакција од Пекинг. Тоа беше прва посета на Тајван на третиот највисок американски функционер во последните 25 години.
Кина одговори со спроведување големи воени вежби во близина на Тајван и прекинување на дијалогот со САД во повеќе области, според „Кјодо“.
Топ
Британци преку компјутерска измама оштетиле фирма за над 425 илјади евра

Полицијата поднесе кривична пријава против Ј.Т.С.(21) од Велика Британија, правно лице од Велика Британија и A.A.A.(44) од Велика Британија, поради постоење основи на сомнение за сторено кривично дело „компјутерска измама“.
Имено, првопријавениот, одговорно лице во правното лице и третопријавениот извршиле промена на компјутерски податоци, со што предизвикале невистинит резултат при пренос на податоци.
Преку електронска порака, до оштетеното правно лице од Пробиштип, испратиле лажни банкарски инструкции за меѓународно плаќање, врз основа на кои оштетеното правно лице извршило плаќање во износ од 425.653 евра кон банкарската сметка на второпријавениот, наместо на вистинскиот добавувач.
На тој начин тие причиниле вкупна материјална штета од 425.653 евра на правното лице од Пробиштип, соопшти полицијата.
Македонија
Арсовска сменета од претседателската функција во ЗЕЛС, на нејзино место назначен Орце Ѓорѓиевски

Скопската градоначалничка Данела Арсовска е разрешена од претседателската функција во Заедницата на единиците на локалната самоуправа (ЗЕЛС). Одлуката е донесена со 14 гласа „за“ од вкупно 17 члена на Управниот одбор.
На нејзино место е назначен Орце Ѓорѓиевски, градоначалник на Кисела Вода.
Разрешувањето на Арсовска е по иницијатива на градоначалниците од ВМРО-ДПМНЕ. Според нив, со прекинот на коалицијата со Арсовска тие немаат претставник во претседателството на ЗЕЛС.