Црна хроника
Притвор за Турчинка што сакала да прошверцува златен накит од над 11 милиони денари
Основното јавно обвинителство Скопје донесе наредба за спроведување истрага против 27-годишна државјанка на Турција поради шверцување златен накит во вредност од над 11 милиони денари.
Како што информираат од Обвинителството, осомничената на 18 декември, околу 20 часот, на аеродромот во Скопје, избегнувајќи ја царинската контрола, пренела непријавена стока – накит од бело злато, и тоа дваесет и едно парче со вкупна тежина од 380,50 грама, кои имаат вредност од 11 милиони и 106 илјади денари.
Кога пристигнала со лет од Истанбул, таа се упатила кон излезот на преминот каде што поминуваат патници што немаат стока за пријавување. При селекцијата од страна на царинскиот службеник и преглед на личниот багаж била пронајдена непријавената стока.
Дваесет и седумгодишната Турчинка се товари за сторено кривично дело шверцување.
Јавниот обвинител што постапува во предметот оценил дека се исполнети законските основи, па доставил предлог за определување мерка притвор за осомничената. Основниот суд Скопје 1 го прифарил предлогот и против осомничената определил притвор во времетрење од триесет дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.