Триесет и седумгодишната А.Ф. од селото Палатица,тетовско го пријавила својот сопруг.

Според информациите на полицијата, тој во петокот околу 20.30 часот ја омаловажувал и ѝ се заканувал со остар предмет.

Заканите кон неа и нивните три деца се повторувале подолг временски период.

Од МВР велат дека се преземаат мерки за расчистување на случајот.

Шеест и двегодишен маж од Тетово, со иницијали И.И. синоќа бил приведен од страна на полицијата.

Како што јави МВР, тетовецот е приведен по пријава од страна на неговиот внук.

„А.И од Тетово пријавил дека во неговата куќа на улицата „Јане Сандански“ дошол неговиот чичко И.И со секира упатувајќи му закани по неговиот живот“, велат од полицијата.

При обид да биде легитимиран од полициски службеници, приведениот одбивал и ги омаловажувал полициските службеници.

За настанот е известен јавен обвинител и се преземаат мерки за расчистување на случајот.

Утрово во 06.45 часот на крстосница од булеварот „Александар Македонски“, улицата „16-та Македонска Бригада“ и улицата„Интернационални Бригади“ се случила сообраќајна незгода во која учествувале седум возила.

Како што информира МВР, во сообраќајката учествувале товарно моторно возило, патничко моторно возило „фолксваген туран“ со скопски регистарски ознаки, управувано од А.Д.(25) од Скопје, товарно моторно возило,„митцубиши“ со скопски регистарски ознаки, управувано од Т.З.(27) од Велес, патничко моторно возило „дачија данкер“ со скопски регистарски ознаки, управувано од Д.П.(27) од Скопје, патничко моторно возило„фолксваген пасат“ со скопски регистарски ознаки, управувано од С.А.(44) од с.Грушино,скопско, патничко моторно возило „опел астра“ со скопски регистарски ознаки, управувано од В.Т.(62) од с.Миладиновци,скопско и патничко моторно возило„фолксваген голф“ со скопски регистарски ознаки, управувано од Д.Ц.(30) од с.Брњарци,скопско.

Во незгодата со тешки телсени повреди се здобила С.Д.(51) од Скопје, сопатник во патничкото моторно возило„фолксваген туран“ а кај четворица останати учесници во незгодата биле констатирани телесни повреди. Увид на местото на настанот извршила екипа од СВР Скопје.