Во текот на вчерашниот ден во Полициското одделение Петровец, В.Д.(30) од Република Србија, со престој во с.Зелениково, скопско, пријавила дека околу 14,40 часот на локален пат во општина Петровец, по претходно недоразбирање во сообраќајот, била физички нападната од едно женско лице.

Се преземаат мерки за расчистување на случајот.

Надворешната канцеларија за криминалистички работи Гостивар поднесе кривична пријава против Л.И. (53) од Гостивар поради постоење основи на сомнение за сторено кривично дело „малтретирање во вршење на службата“.

МВР информираше за настан кој се случил на 06-ти овој месец во основно училиште во Гостивар.

Пријавената – која е наставничка во училиште, за време на час физички нападнала еден ученик.

Денес, во скопската населба Гази Баба полициски службеници го приведоа К. И. (34) од Скопје.

Тој бил баран по потерница врз основа на наредба од Основниот суд Скопје 1 за издржување казна затвор од една година за сторено кривично дело тешка кражба.

Лицето ќе биде спроведено во надлежната казнено-поправна установа за издржување на казната.