Оваа влада нема да направи ништо спортивно на националните интереси и стратешки правци на граѓаните. Нема никогаш да направи ниту една отстапка која ќе значи дополнително понижување и срам за македонските граѓани, порача премиерот Христијан Мицкоски по повод 100 дена од новата влада.

„Нема никогаш да отстапиме од реализирање на нашата втора стратешка цел а тоа е полноправно членство во ЕУ. И ако треба ќе разговараме со било кого, и ако треба ќе разговараме колку и да е потребно за да дојдеме до договор и компромис кој што е достоен, кој нема да ги повреди чувствата на народот“, порача Мицкоски.

Бидете сигурни додаде тој, дека и двете стратешки цели можат да се реализираат.

„Едната со другата не се во конфликт. И двете можат паралелно да се реализираат, и да се заштити интересот на македонските граѓани но и да се интегрираме во рамките на ЕУ, онаму каде од многу порано ни е местото. Ќе работиме колку и да е потребно довербата која ја добивме од вас да ја оправдаме“, дополни тој.

Како влада, рече МИцкоски, направивме неколку грешки, кои не беа катастрофални, но го слушавме гласот на народот и навреме се коригиравме.

„Секој што работи понекогаш знае и да погреши и тука не треба да се земе за зло доколку се коригираме, лошо е ако имаме мислење и чувство дека сѐ знаеме и дека гласот на народот воопшто не е важен. Тогаш грешиме. Мислам дека како влада, во изминатиот период направивме по некоја грешка. Ниту една не беше катастрофална, но секогаш, без исклучок се коригиравме и реагиравме навремено, како што доликува на една народна влада“, кажа Мицкоски.

Работодавците немаат никаква конкретна информација на кој начин половина од парите од најавениот унгарски кредит ќе одат за бизнисот. Претседателката на Организацијата на работодавците на Македонија, Владанка Трајкоска, вели дека новата Влада во првите 100 дена не му помогнала на бизнисот во земјата.

„Денеска, се одбележуваат 100 дена од Владата. Имавме многу високи очекувања, не добивме речиси ништо. Очекувавме дека оваа Влада ќе има сенс за бизнисот, за сите оние кризи со кои се соочуваме во работењето, меѓутоа она што се зборуваше во изминатиот период беше само зголемување на платите на јавната администрација, земање кредити за општините, заобиколување на проблемите со кои се соочува стопанството во делот на продуктивноста и на немањето работна сила. Со еден збор – ништо. Немаме никаква конкретна информација на кој начин ќе одат парите од кредитот за бизнисот. Се вели дека ќе биде за некакви инвестиции во работењето. Сè додека немаме конкретна информација и додека не ни биде понудено на кој начин ќе се стигнува до тие кредити, дали ќе бидат кредитите поволни за стопанството, ние не можеме ништо да говориме“, рече денес претседателката Трајкоска пред почетокот на конференцијата за социјален дијалог, состојби и перспективи организирана од Сојузот на синдикатите на Македонија и Фондацијата „Фририх Еберт“ – Скопје.

Работодавците сметаат дека клучните прашања, кои може да му помогнат на стопанството, се зголемување на продуктивноста на компаниите, на што заеднички треба да се работи, изнаоѓање пазари и подобра инфраструктура.

Северноамериканската воздушна и вселенска одбранбена команда (НОРАД) објави видео од ескадрила ловци пресретнувачи Ф-16Ц, кои доживеаја инцидент на небото во близина на Алјаска минатата недела.

Имено, пар борбени авиони Ф-16Ц полетале за оперативно да пресретнат пар руски стратешки бомбардери Ту-95 и нивната борбена придружба.

На снимката се гледа дека во еден момент рускиот борбен авион Су-35 изведува маневар на многу кратко растојание од американскиот борбен авион Ф-16Ц, пресекувајќи му го патот.

“On Sept 23, 2024, NORAD aircraft flew a safe and disciplined intercept of Russian Military Aircraft in the Alaska ADIZ. The conduct of one Russian Su-35 was unsafe, unprofessional, and endangered all – not what you’d see in a professional air force.” – Gen. Gregory Guillot pic.twitter.com/gXZj3Ndkag

— North American Aerospace Defense Command (@NORADCommand) September 30, 2024

Порталот „Воена зона“ пишува дека ова е најблиската средба меѓу руските и американските пилоти откако стратешкиот бомбардер Б-52 доживеа сличен инцидент со Русите во 2020 година над Црното Море.