Црна хроника
Во неколку тепачки повредени малолетник и возрасен маж
Во петокот се случиле неколку тепачки, а во едната неколку малолетници натепале свој соученик, во другата се степале двајца соселани, а во третата, еден маж е грабнат од пред пицерија и однесен со возило.
Како што соопшти полицијата, во петокот, околу 17 часот во Скопје, на булевар „Трета Македонска Бригада“, во близина на СУГС „Марија Кири Склодовска“, шеснаесетгодишник од село Арнакија, ученик во училиштето, физички бил нападнат од шест малолетници од село Студеничани, еден од село Инџиково и еден од село Морани, сите ученици во истото училиште. Тие со тупаници го удирале шеснаесетгодишникот во пределот на главата и телото, при што му нанеле видливи повреди. Се преземаат мерки за целосно расчистување на случајот.
Истиот ден околу 20 часот, во непосредна близина на првиот мост во село Батинци, скопско, А.Б. (47) од село Батинци физички го нападнал Р.М. (40) од истото село, удирајќи го со тврди предмети во пределот на главата и телото, при што му нанел тешки телесни повреди. Р.М. со возило на Итна медицинска помош бил пренесен во Ургентен центар Скопје каде му била укажана лекарска помош и е задржан на лекување. Увид на местото на настанот извршила екипа од СВР Скопје. А.Б. е приведен и задржан во ПС Драчево за целосно расчистување на случајот.
Околу 20 часот во ЕИК Скопје, М.К. (29) од Скопје пријавил дека на паркинг простор пред пицерија во населба Автокоманда бил пресретнат од две лица, кои по негово кажување, го нападнале, го внеле во ПМВ „Поло“ со скопски регистарски ознаки, го возеле до ул. „Беласица“, каде го оставиле и заминале. Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со закана со секира ограбил казино во Битола: уапсен 53-годишен маж
Вчера во 19:40 часот полициски службеници од СВР Битола во казино на улицата „Филип Втори Македонски“ во Битола го лишија од слобода 53-годишниот С.Р. од Битола, постапувајќи по добиена пријава околу 18:30 часот дека во казино лоцирано на улицата „Маршал Тито” во Битола, едно лице со закана со секира од вработената одзело околу 8600 денари, по што се дало во бегство.
Веднаш по добиената пријава, преземени се соодветни мерки и активности и сторителот е лоциран и лишен од слобода, а по документирање на случајот против него ќе биде поднесена соодветна пријава.
Топ
При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени
Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или културно наследство или природни ресурси“ по чл.265 од КЗ, ги лишија од слобода 61-годишниот И.А. и 63-годишниот С.А., двајцата од село Јакимово, виничко, 66-годишниот Д.Т. од Кочани, 62-годишниот М.И. и 30-годишниот Ј.М., двајцата од Виница.
Постапувајќи по претходна пријава, полициски службеници на пат во атар на село Калиманци сопреле патничко возило „фиат браво“ со штипски регистарски ознаки, управувано од С.А. со сопатници И.А. и Д.Т. и патничко возило „опел вектра“ со штипски регистарски ознаки, управувано од М.И. од Виница со сопатник Ј.М., при што во двете возила биле пронајдени и одземени метален детектор и алат.
По насоки на надлежен јавен обвинител и по извршени проверки во содејство со кустоси од Музеј „Теракота“ Виница во село Калиманци било констатирано дека пријавените во временскиот период од 13 до 15.12.2025 извршиле ископ.
По наредба на Основен суд Виница, извршени се претреси во домовите на М.И., С.А. и И.А., при што биле пронајдени и одземени шест метални детектори, кутија со 43 златни и сребрени монети со различна големина и друг алат. По целосно документирање на случајот ќе биде поднесена соодветна пријава.
Црна хроника
Уапсен прилепчанец: ограбил манастир во Неготино
Вчера во 12:30 часот во Неготино, од страна на полициски службеници од ОВР Неготино од слобода е лишен 44-годишниот М.А. од Прилеп, по добиена пријава дека истиот ден околу 09 часот, со употреба на сила, одзел пари од манастирот „Св. Ѓорѓи“ во Неготино.
Веднаш по добиената пријава, преземени се соодветни мерки и активности и М.А. е лишен од слобода, а по документирање на случајот, ќе биде поднесена соодветна пријава.

