Црна хроника
Германец починал на скијање на Попова Шапка

Шест Германци скијале на Попова Шапка, при што најстариот паднал во бесознаение и починал.
Како што соопшти полицијата, во неделата во 14.30 часот во полицијата на Попова Шапка, И.Т. од Кризниот штаб-Тетово пријавил дека на Попова Шапка, поточно на м.в. „Казаниште“, има повредено лице најверојатно странец кој паднал во провалија. За него немале никакви податоци освен телефонски број за контакт, но на наведениот број никој не се јавувал.
Во 16.20 часот во угостителски објект пристигнале лицата Г.М. (34), K.O. (34) и Б.Б.Ц. (39), сите од Германија, кои раскажале дека истиот ден околу 9 часот околу шест лица се качиле на м.в. „Церипашина“ на Попова Шапка за да скијаат. Околу 13.10 часот скијале на м.в. „Казаниште“ и застанале да одморат, при што во безсознание паднал С.Ц. (61) од Германија.
Веднаш по радио врска бил известен сопственикот на еден угостителски објект, кој го пријавил случајот во ЦУК Скопје. Околу 15 часот на местото на настанот пристигнал хеликоптер на МВР, било подигнато повреденото лице и пренесено во болницата „Систина“ Скопје, каде била констатирана смрт.
По наредба на Јавен обвинител телото на починатиот е дадено во Институтот за судска медицина за обдукција. Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.
Топ
21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.
Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.
Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.
Извршен бил увид од увидна екипа од СВР Велес.
Црна хроника
Маж од Австралија пронајден починат во хотелска соба во Битола

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.
Од страна на лекар од Итната медицинска помош констатирана била смрт без видливи траги на насилство.
Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.