Центарот за управување со кризи извести дека во последното деноноќие, до 7 часот утрово на територијата на Македонија имало вкупно 25 пожари на отворен простор, од кои два се се уште активни.

Се уште гори во подрачјето „Јасен“, во општина Македонски Брод, и во општина Струга, Октишка краста, каде што гори ниска вегетација.

Под контрола се ставени три пожари: oпштина Сарај 2: село Радуша кон село Дворце каде што гори ниска вегетација, општина Арачиново (гори ниска вегетација) и општина Демир Хисар, село Мало Илино (гори дабова шума).

Како што соопшти ЦУК изгаснати се 20 пожари.

Српскиот претседател Александар Вучиќ ги обвини демонстрантите за насилство синоќа, во услови на бран нови антивладини протести, и рече дека државата нема намера да распореди војска и дека нема да има граѓанска војна.

Вучиќ го одржа вонредното обраќање кратко пред полноќ откако беа организирани протести во неколку градови низ Србија – особено во Нови Сад, Белград и Ниш – поради насилството на поддржувачите на владејачката Српска напредна партија (СНС) врз граѓаните на претходните демонстрации во вторник вечерта во Врбас и Бачка Паланка.

Според Вучиќ, повеќе од 60 граѓани биле повредени во инцидентите во Нови Сад во среда вечерта. Тој додаде дека 16 полицајци биле повредени, меѓу кои двајца со сериозни повреди на вилицата и градниот кош.

Српскиот претседател изјави дека „се воспоставува контрола“ и дека повеќе полицајци ќе излезат на улиците.

„Вечерва е тешка вечер за граѓаните на Србија. Важно е што, благодарение на мудроста и трпението на огромен број граѓани, засега чудесно успеавме да го зачуваме мирот“, рече Вучиќ.

Тој со драматичен тон изјави дека во Нови Сад „до пред неколку минути беше прашање дали околу 300 граѓани кои ја чуваа својата куќа ќе преживеат“, алудирајќи на поддржувачите на СНС собрани пред седиштето на партијата во Нови Сад кои, како што рече, „се спротивставија на тепачите и блокадерите“.

Спротивно на изјавите на шефот на државата и полицијата, демонстрантите го тврдат спротивното – дека се обвинети за насилство, но дека всушност се синхронизирано нападнати од поддржувачи на СНС, меѓу кои, како што тврдат, има луѓе со „сомнително минато“, ангажирани да предизвикуваат инциденти и да провоцираат полициска интервенција.

Демонстрантите тврдат дека на улиците ги извела политиката на владејачката партија и српскиот претседател Вучиќ, кои упорно одбиваат да воспостават владеење на правото, да ги регулираат институциите, да спроведат истрага и да ги изведат пред лицето на правдата сите одговорни за уривањето на настрешницата на железничката станица во Нови Сад на 1 ноември минатата година, кога загинаа 16 претежно млади луѓе.

Трагедијата во Нови Сад во ноември минатата година беше проследена со бран протести во кои се појави студентско движење, кое бараше уредно општество со владеење на правото и сузбивање на корупцијата, како и функционирање на институции ослободени од политички притисок и влијание.

Последното во низата барања е распишување предвремени избори, што владата досега упорно одбиваше да го стори.

фото: принтскрин

Во напад со дронови во текот на ноќта беше погодена рафинерија во рускиот град Волгоград, предизвикувајќи излевање на нафта и пожар во објектот, изјави денес гувернерот на Волгоградската област Андреј Бочаров, како што објави Киев Индепендент.

Ukraine continues to dismantle Russia's oil industry, hitting a refinery processing 5% of Russia's overall refining capacity.

Lukoil refinery, Volgograd, Russia. pic.twitter.com/Ew6Ttkw1sJ

— Kyiv Insider (@KyivInsider) August 14, 2025

„Вечерва, силите за воздушна одбрана на руското Министерство за одбрана одбија масовен напад со беспилотни летала на територијата на Волгоградската област“, рече Бочаров.

🔥🛢️/1. Russian Volgograd oil refinery was targeted tonight. Strong fires began on the territory of the oil refinery and continue to this moment.

Volgograd oil refinery has the capacity of 14,5 million tons of oil per year. pic.twitter.com/2S1f7nRMgS

— Special Kherson Cat 🐈🇺🇦 (@bayraktar_1love) August 14, 2025

„Како резултат на паѓањето на остатоци, нафтените производи се излеаја и се запалија во рафинеријата за нафта Волгоград. Пожарникарите брзо почнаа да го гаснат пожарот.“

Another Russian oil refinery hit.

The Lukoil refinery in Russia's Volgograd region, processing 4.9% of Russia's total refining capacity. pic.twitter.com/Pu4sXn6w4B

— SPRAVDI — Stratcom Centre (@StratcomCentre) August 14, 2025

Прелиминарните информации покажуваат дека нема повредени, додаде Бочаров.

More impressive footage of objective monitoring of the affected oil refinery.

NASA satellites recorded a large-scale fire at the LUKOIL-Volgogradneftepererabotka oil refinery.

The governor of the Volgograd region confirmed the fire, traditionally stating that debris had… pic.twitter.com/ulgBjFcDvz

— Exilenova+ (@Exilenova_plus) August 14, 2025

Рафинеријата во Волгоград, во сопственост на рускиот нафтен гигант Лукоил, досега беше нападната неколку пати во војната. Руските медиуми и официјални лица објавија напади врз рафинеријата во февруари и март 2025 година. Генералштабот на Украина потврди напад со беспилотни летала врз рафинеријата во јануари.

фото: принтскрин