Црна хроника
Двајца расечени во Тетово

Две лица се здобиле со расекотини и убоди по вратот, грбот и рацете, откако биле нападнати од едно лице во Тетово, кое полицијата подоцна го уапсила заедно со неговиот брат.
Имено, во понеделник половина час по полноќ, во Тетово, по претходно известување за потреба од екипа на Итна медицинска помош за укажување на медицинска помош на лица кои крварат, од ул. „Благој Тоска“ во Клиничка болница Тетово пренесени се И.К. со повреди нанесени од оштар предмет во пределот на вратот и грбот, кој по лекарската интервенција е препратен во Клинички центар Скопје и И.К. со расекотина во пределот на раката.
Во извршените разговори истите навеле дека повредите им ги нанел М.М. од Тетово, кој заедно со неговиот брат Р.М. биле приведени во полицијата Тетово.
Се преземаат мерки и активности за целосно расчистување и документирање на настанот, по што против учесниците ќе бидат поднесени соодветни пријави./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
1624 семки канабис одземени од велешанец при претрес на неговиот дом, полицијата го уапси

Полицајци од одделот за недозволена трговија со дрога го уапси 41-годишниот (Т.Б.) од Велес. По издадена судска наредба тие при претрес во неговиот дом пронајдоа и му одзедоа кафена прашкаста материја, 1624 семки канабис и остатоци од зелена растителна материја, извести полицијста
(Т.Б.) е приведен во полициска станица, известен е јавен обвинител и по документирање на настанот, против него ќе биде поднесена соодветна пријава.
Црна хроника
Полицијата уапси 15-годишник во Скопје, насила одзел пари на 44- годишен маж

Вчеравечер полицијата уапси 15-годишен малолетник од Скопје по претходна пријава дека во скопски Центар насила одзел пари од 44-годишен маж.
Оштетениот пријавил во полиција која, пак, за кусо време го пронашла и го уапсила малолетникот. Од МВР најавија соодветна пријава по целосно документирање на случајот.
Црна хроника
Му стигнало писмо од извршител за два кредита кои не ги зел, 23-годишен скопјанец пријавил измама

23-годишен скопјанец во четвртокот во скопската полиција пријавил злоупотреба на личните податоци. Според пријавата, непознато лице во 2021 година на име на пријавителот зело два кредита од финансиско друштво. Дознал за измамата минатата недела кога му стигнало писмо од извршител за неплатен долг во износ од 80.758 денари.
Министерството за внатрешни работи презема мерки за расчистување на случајот.