Црна хроника
Денеска ќе биде погребан Кико
Погребот на Кристијан Коцев-Кико ќе се одржи денеска од 13:30 часот. Претходно, од 11 до 13 часот ќе бидат изложени посмртните останки на градските гробишта во Штип.
Момчето за кое македонската јавност се крена на нозе и собираше донации за негово лекување боледуваше од ретка и тешка болест Атаксија и не издржа да замине во Турција каде требаше да биде третиран со матични клетки.
Поради влошената здравствена состојба, не можеше да биде транспортиран со медицински авион во Истанбул, а последно беше лекуван во приватна болница во Скопје каде лекарите се бореа за неговиот живот, но последните два дена дошло до сериозно влошување на состојбата поради брзо прогресирање на болеста.
Неговата смрт стана предмет и на партиски препукувања. Откако министерот за здравство рече дека барање за лекување на Кико не е поднесено до државата, а тој пет години не бил на преглед, утринава од ВМРО-ДПМНЕ велат потребен е ремонт на здравството.
„Владата предводена од СДС и ДУИ речиси целосно го распадна здравствениот систем.Секојдневно сме сведоци на животни трагедии. Секојдневно сме сведоци на собирање средства, пред се, по социјалните мрежи за лечење на се повеќе пациенти.Тоа е сликата на распаднатиот систем воопшто, а пред се на распадниот здравствен систем. Тоа е слика за нефункционирање на системот кога се во прашање граѓаните. Тоа е показател дека системот не само што оди кон пропаст, туку и народски кажано не се грижи за граѓаните. Ниту има услови за лекување, ниту има доволно кадар, едноставно не се инвестира во ништо кога е во прашање здравствениот систем.„Функционалност“ на системот има само кога се во прашање лични интереси на политичарите во Владата, „функционалност“ има кога овие актуелни политичари ги крадат народните пари.Нема функционалност кога граѓаните треба да си го добијат правото на лечење, нешто за што секој еден граѓанин плаќа цел работен век, или цел живот.На здравствениот систем му е потребен целосен ремонт. Ремонт кој треба да започне час поскоро за да се спасат барем некои мали делови. Ремонт потребен да почне веднаш“, стои во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Екстрадиран Бесим Красниќи
Министерството за внатрешни работи ја известува јавноста дека полициски службеници од Секторот за меѓународна полициска соработка при МВР и Единицата за интервентна полиција на СВР Скопје го завршија процесот на екстрадиција од Косово во Република Северна Македонија на Бесим Красниќи (44), кој се бараше со меѓународна потерница по наредба на Основен кривичен суд Скопје за издржување на казна затвор за сторени кривични дела разбојништво, тешки дела против општата сигурност и казнување за подготвување во врска со кривично дело тероризам.
Лицето е спроведено во КПУ Идризово.
Црна хроника
Aвтомобил излета од автопат кај клучката кај Коњари, 60-годишна жена тешко повредена
Вчера, на автопатот Штип – Скопје, во близина на клучката кај Коњари, патничко возило „фолксваген голф“, со кичевски регистарски ознаки, управувано од З. Ј. (39) од Кочани, излетало од коловозот.
Во несреќата тешки телесни повреди добила сопатничката Л. Ј. (60) од Кочани, а другиот сопатник Г. Ј. (64) од Кочани добил телесни повреди констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
23-годишна девојка од Кочани истепала и ограбила жена од Штип, расчистено разбојништвото
Вчера, во 16 часот, на улицата Христијан Карпош во Штип, полициски службеници од Отсекот за општ криминал и Полициската станица Штип при СВР Штип ја лишиле од слобода 23-годишната Џ. С. од Кочани, извести МВР.
„Таа се сомничи дека на 15.5.2024 извршила кривично дело разбојништво над Л. М. (69) од Штип, при што физички ја нападнала и ѝ ја одзела чантата со пари и документи“, соопшти МВР.
Џ. С. била задржана во Полициската станица и во службен разговор го признала делото. Одземените предмети биле пронајдени и вратени на сопственичката. По целосно документирање на случајот, против Џ. С. ќе биде поднесена соодветна пријава.