Н.С. (70) вчера беше тешко повреден откако во него удри автобус на ЈСП. Сообраќајката се случила на  крстосницата од булеварот „Крсте Мисирков“ и улицата „Петре Ѓорѓиев“ во Скопје.

Автобусот бил управуван од Б.А. (50). Извршен бил увид од увидна екипа од СВР Скопје.

Приведен е кавадарчанец кој со својот автомобил удрил во полициско возило.

– Вчера во 13.25 часот, полициски службеници од ОВР Кавадарци го лишиле од слобода А.С.(33) од овој град, затоа што при обид да биде легитимиран, А.С., кој бил во паркирано патничко возило „опел“ со кавадаречки регистарски ознаки, го стартувал возилото и со него удрил во полициско службено возило, појаснија од СВР Велес.

По документирање на случајот, против А.С. ќе биде поднесена соодветна пријава.

Малолетник е тешко повреден откако во него удрило патничко возило на кружен тек во Тетово. По сообраќајката возачот побегнал. Министерството за внатрешни работи информира дека сообраќајната незгода се случила синоќа на кружниот тек од улицата „Јане Сандански“ со улицата „Гоце Стојчески“.

Повредениот малолетник од село Шемшово е пренсен во Клиничката болница во Тетово каде му се коснтатирани тешки телесни повреди.

Извршен е увид од увидна екипа од СВР Тетово и се преземаат мерки за расчистување на случајот.