Црна хроника
Кривични пријави за бесправна сеча на дрва во Кичево

Кичевската полиција поднесе кривична пријава против З.Г.(49) од Кавадарци, генерален директор на Јавното претпријатие за стопанисување со шуми во државна сопственост„Национални шуми“ – Скопје и З.К.(61) од Кичево, раководител на Шумското стопанство „Лопушник“ – Кичево поради злоупотреба на службената положба и овластување.
Во пријавата, опфатени се и шумочуварите Ж.В.(59) од кичевското село Свиљиште, Ѓ.Т.(59) од Кичево и В.М од селото Другово, референт за превоз во „Лопушник“, за сторени казнено дело „несовесно работење во службата“. Со извршувањето на казнените дела, се овозможила бесправна сеча на 2.293,51 метри просторни дрвна маса сопственост на ЈП ,,Македонски шуми“ со што му предизвикале материјална штета во вкупен износ од 20.552.350 денари.
„На 25.06.2019 година, пријавениот генерален директор на ЈП „Национални шуми“, го овластил второпријавениот да склучи купопродажен договор за огревно дрво кои не се предвидени за сеча. Тој, свесно приложил друг записник за пресметани средства за проширена репродукција, со кој на правното лице „Коста-Комерц“- Кичево,му овозможил заради препродажба да купи дрвни сортименти во вкупна вредност од 116.230,00 денари. Второпријавениот, на останатите пријавени им наложил да вршат шумочуварска служба во други региони без претходно да формира комисија за примопредавање на шумочуварските реони. Трето и четврто пријавените, во периодот од 02.07.2019 до 14.08.2019, со пропуштање на должен надзор, несовесно постапиле во вршење на своите овластувања и должности на одговорни лица-шумочувари во ШСЕ “Љубен-Србјани“ во ЈП „Национални Шуми“ – ПШС „Лопушник“- Кичево’, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.
Топ
21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.
Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.
Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.
Извршен бил увид од увидна екипа од СВР Велес.
Црна хроника
Маж од Австралија пронајден починат во хотелска соба во Битола

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.
Од страна на лекар од Итната медицинска помош констатирана била смрт без видливи траги на насилство.
Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.