Црна хроника
Малолетник, жена и полицаец пренесени на Клиника по пожарот во куќа во Скопје

Вчера во 10:16 часот, Е.Ј.С. од Скопје пријавила дека на улицата Александар Македонски во Скопје избувнал пожар во семејна куќа, сопственост на Е.С. (49) од Скопје. Во моментот на настанот, во куќата се наоѓале 12-годишниот син на пријавителката и нејзината мајка, В.Ј.
„По преземените мерки и активности од страна на полициските службеници на СВР Скопје, двата лица беа успешно извлечени од куќата и пренесени со Итна медицинска помош во Комплексот клиники „Мајка Тереза“ заради вдишување на чад“, изјавија од Министерството за внатрешни работи.
Како што информираат од МВР, исто така, и еден полициски службеник бил изложен на чад и бил пренесен во болница за да му укажат лекарска помош, но неговата состојба е стабилна.
Пожарот беше изгаснат од Бригадата за противпожарна заштита, а од страна на полицијата се преземени сите неопходни мерки за расчистување на случајот. Јавен обвинител е известен за настанот, а увид бил извршен од увидната екипа на СВР Скопје.
„Нема повредени лица, а пожарот е целосно локализиран“, додаваат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
24-годишник осомничен за полови дејствија врз 5-годишно девојче

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека вршело други полови дејствија врз девојче родено во 2020 година, дело казниво според член 188 став 5 од Кривичниот законик.
Осомничениот 24-годишник, во неговиот дом во Волково, неколку пати извршил полови дејствија кои што не се состојат во вагинална, анална или орална пенетрација, врз оштетеното дете со кое е во роднинска врска. Тој го користел моментот додека девојчето било во неговиот дом затоа што живееле во одвоени куќи во ист двор, а потоа и се заканувал да не му кажува на татко и бидејќи ќе ја караат и ќе ја тепаат.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор, особено имајќи ја предвид можноста за остварување контакт со детето и потребата за заштита на жртвата од осомничениот. Воедно, обвинителството ги ценеше и околностите кои укажуваат на опасност од бегство и можноста да влијае врз постапката. Судот ја прифати ваквата аргументација и на осомничениот му определи мерка притвор во траење од 30 дена.
Црна хроника
Зет со тврд предмет го нападнал семејството на невестата во Аеродром

Семејна кавга во Аеродром заврши со физички напад.
На 4 септември во вечерните часови, 23-годишен маж од скопско село, кој е во постапка на развод со својата сопруга ги нападнал нејзиниот 70-годишнен татко и братот во семејниот дом.
Нападот, според пријавата, бил извршен со употреба на тврд предмет.
Црна хроника
Тројца скопјани се степале на паркинг по конфликт во сообраќајот

Насилство во Ѓорче Петров е регистрирано во полицискиот билтен.
Приведени се тројца скопјани, И.К.(55), М.И.(40) и С.А.(30), сите од Скопје, кои се степале на паркинг простор во текот на вчерашниот ден.
На тепачката, според информацијата од МВР, претходело недоразбирање во сообраќајот.
По целосно документирање на случајот ќе следуваат соодветни поднесоци.