Шумскиот пожар во непристапниот терен кај Јасен е повторно активиран, а слабиот дожд не беше доволен за негово сопирање. Директорот на Дирекцијата за заштита и спасување, Стојанче Ангелов, извести дека во акцијата се вклучени армијата, Националните шуми, пожарникари и вработени во Јасен.

„Благодарност до армиските волци и ренџери кои вчера придонесоа горниот крак да биде целосно изгаснат, со силна поддршка на останатите тимови. Врз пожарот дејствуваме со три летала. Целта е денес да го стопираме движењето на овој исклучително тежок пожар, бидејќи теренот е непристапен. Имаме силно горење и недоволно кислород, ризично е да се пуштат луѓе“, изјави Ангелов.

Тој додаде дека со леталата ќе се обидат да направат линија за пресек на пожарот, а на другата страна, армиските специјалци се подготвени да интервенираат ако огнот се прошири.

Повеќе информации се очекуваат попладне.

Американскиот претседател Доналд Трамп објави дека почнале подготовките за средба меѓу рускиот и украинскиот претседател, Владимир Путин и Володимир Зеленски.

Во изјава на социјалната мрежа „Тру соушал“, Трамп ја опиша средбата со украинскиот претседател и другите европски партнери како „многу добра“.

Во Белата куќа присуствуваа францускиот претседател – Емануел Макрон, италијанската премиерка – Џорџа Мелони, германскиот канцелар – Фридрих Мерц, финскиот претседател – Александар Стаб, британскиот премиер – Кир Стармер, претседателката на Европската комисија – Урсула фон дер Лајен, и генералниот секретар на НАТО – Марк Руте.

Yesterday, important talks took place in Washington with the President of the United States and European leaders. This was truly a significant step toward ending the war and ensuring the security of Ukraine and our people. We are already working on the concrete content of the… pic.twitter.com/FXGnQfcdzz

— Volodymyr Zelenskyy / Володимир Зеленський (@ZelenskyyUa) August 19, 2025

Зеленски се огласи на социјаните мрежи
„Вчера, во Вашингтон се одржаа важни разговори со претседателот на Соединетите Американски Држави и европските лидери. Ова беше навистина значаен чекор кон завршување на војната и обезбедување на безбедноста на Украина и нашиот народ.

Веќе работиме на специфичната содржина на безбедносните гаранции. Денес продолжуваме со координацијата на ниво на лидери. Ќе има дискусии и подготвуваме соодветни формати. Ќе продолжиме да работиме утре. Советниците за национална безбедност сега се исто така во постојан контакт. Ќе има безбедносни гаранции.

Им се заблагодарувам на сите наши партнери за нивната решителност и поддршка. Украина ја чувствува оваа сила. И ние ќе направиме сè за да го направиме патот кон мирот реалност – преку партнерство, преку безбедносни гаранции и преку храброста на украинскиот народ“, објави Зеленски на „Икс“.

Државниот завод за ревизија спроведе проверка на информациските системи со фокус на усогласеноста на процедурите за безбедност на податоците од Централниот регистар на населениетио кај Министерството за дигитална трансформација за периодот од 2019 до 2024 година.

„Врз основа на извршената ревизија, заклучивме дека, освен за состојбите што се однесуваат на капацитетот на човечки ресурси, недефинирани чувствителни работни позиции, отсуство на процедури за активностите поврзани со функционирање на Централниот регистар на населението, за утврдување исполнување на стандардите за квалитет на податоците, недостиг на дефинирани стандарди за примена на ИТ-безбедност, системски контроли за размена на податоци меѓу институциите што би спречиле заобиколување на Централниот регистар на населението, активности за функционирање на Централниот регистар на населението – во сите материјални аспекти се во согласност со релевантната законска и подзаконска регулатива, стратешки документи, стандарди, упатства, договори и воспоставени политики“, наведуваат од ДЗР.

Централниот регистар на населението е интегрирана база на лични податоци, која се води во електронска форма во Министерството за дигитална трансформација, врз основа на автоматско интегрирање на податоците од поединечните бази што ги водат надлежните органи, меѓу кои Министерството за внатрешни работи, Управата за водење на матичните книги и органот за водење на адресниот регистар.

Според ревизијата, „утврдивме отсуство на стручен и квалификуван кадар, особено во одделението за стандардизација и сертификација во Министерството, како и отсуство на процедури за утврдување исполнување на стандардите за квалитет на податоците, што влијае врз квалитетот на податоците во ЦРН“.

Исто така, „синхронизацијата на податоците од изворниците со ЦРН е на дневна основа, што остава можност за фреквентни промени на податоци кај изворниците во текот на 24 часа поради што постојат разлики помеѓу податоците во ЦРН и податоците во изворникот“.

Во извештајот се нагласува дека „недостигот на пишани процедури за управување со ЦРН не е во согласност со законската регулатива и стандардите и може да доведе до неконзистентно толкување на законските надлежности за одобрување на пристапот до ЦРН, без ревизорска трага и двојна контрола“.

ДЗР утврдил дека во 2024 година „дозвола за пристап и користење податоци од ЦРН имаат 11 надлежни органи и други субјекти и реализирани 1.634.415 повици, од кои 23.658 се неуспешни“. Објавениот регистар на овие субјекти „содржи нецелосна евиденција на податоците, како и до кои податоци на граѓаните имаат дозвола за пристап“, при што е забележана и „размена на податоци со заобиколување на ЦРН“.

„Отсуството на контрола од страна на Министерството врз изворниците на податоци во исполнување на минималните стандарди за административна безбедност создава ризик за безбедноста на податоците“, наведува ДЗР додавајќи дека тоа може да ја намали довербата во системот.

Меѓу препораките се бара „преземање мерки и активности за подобрување на состојбите со човечките капацитети, подготовка и одобрување пишани процедури за ЦРН и другите системи, подготовка на прирачници и воведување механизми за проверка на стандардите за квалитет на податоците, детаљни контроли за проверка на минималните физички и административни услови за безбедност, воведување системски контроли за размена на податоци меѓу институциите и воведување на автоматизиран и координиран механизам за следење на нотификациите за несовпаѓање на личните податоци“.

Од Министерството за дигитална трансформација доставиле забелешки на нацрт-извештајот, а од ДЗР потврдуваат дека „тие се разгледани и утврдено е дека двете забелешки претставуваат известување за преземени активности“.