Јавен обвинител од Основното јавно обвинителство Струмица од 10 часот утринава го почна увидот на самото место во ТЦ „Глобал“, каде што ноќта на 2 јануари избувна пожар.

Неопходни услови за вршење увид се создадоа денеска поради предупредувања за можни повремени пожари дадени од Дирекцијата за заштита и спасување и противпожарните екипи во текот на вчерашниот ден. Надлежен јавен обвинител увидот го врши во координација со екипа од крим-техника МВР и СВР Струмица, а Обвинителството повика и вешти лица за пожари и експлозиви и за електрика со цел утврдување на причините за настанатиот пожар. Воедно, повикани се и вешти лица од областа на градежништвото и архитектурата, како и од материјално-финансиско работење, со цел утврдување на видот и висината на настанатата штета.

Јавниот обвинител издаде наредби за подигање траги од самото место и нивно натамошно вештачење, како и за одземање видеозаписи – рисивери од видеокамерите поставени во трговскиот центар. Издадени се и наредби за вршење оперативни проверки и прибирање информации од лица што имаат сознанија во врска со настанувањето на пожарот.