Црна хроника
Четворица прилепчани казнети по 3.000 евра зашто не седеле во изолација
Основното јавно обвинителство Прилеп денеска поднесе четири предлога за издавање казнен налог за четворица жители на Прилеп. Казната за секој обвинет е во висина од 100 дневни глоби, а секоја дневна глоба со висина од 30 евра.
Секој од нив во одделни случаи го сторил кривичното дело – непостапување според здравствени прописи за време на епидемија од член 206 став 1 од Кривичниот законик.
Сите обвинети што во државата дошле од разни држави при влез во земјата на 16 март 2020 година потпишале изјави за самоизолација. Но, при проверка од полициските службеници на 18 март не биле затекнати во своите домови, па со тоа го сториле кривичното дело што им се става на товар.
Обвинетите, иако должни да ги имплементираат мерките определени во писмената наредба на Министерството за здравство за сузбивање или спречување на епидемијата на коронавирусот – Ковид-19, како и обврската од изјавите за самоизолација, не постапиле во согласност со предвиденото, со што го сториле кривичното дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.