Црна хроника
124 сообраќајни прекршоци во Скопје

Секторот за внатрешни работи Скопје во текот на вчерашниот ден (6.7.2023) продолжи со контролите во областа на сообраќајот.
На територијата на град Скопје изречени се вкупно 124 мерки, меѓу кои за возење повеќе од дозволената брзина 14 санкции, 11 санкции за возење без возачка дозвола, две мерки за прекршоци што ги прават возачите на мотоцикл.
Изречени се две мерки за користење мобилен телефон при возење, три санкции за минување на затворен сигнал – црвено светло, три санкции за некористење сигурносен појас, три мерки за непрописно престројување возила, девет санкции за технички неисправни и нерегистрирани возила..
„Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Тројца пешаци удрени со автомобили за еден ден во Скопје, едниот возач побегнал

Во текот на еден ден, тројца пешаци беа удрени од автомобили на различни локации во градот.
Првиот инцидент се случи околу 14:15 часот на кружниот тек кај улиците „Адем Демачи“ и „Лазо Трповски“. Патничко возило „фолксваген голф“, управувано од Б.Е. (38), удри во 76-годишната Г.Б., која се здоби со тешки повреди и беше пренесена во Комплексот клиники „Мајка Тереза“.
Малку порано, околу 14:00 часот на булеварот „Февруарски Поход“, товарно возило „фиат дукато“ со скопски регистарски ознаки, управувано од Б.Ј. (53), удри во 18-годишната И.И., која исто така беше хоспитализирана со тешки повреди.
На крајот на денот, околу 20:45 часот на булеварот „Борис Трајковски“, уште еден пешак, Х.Ј. (36), беше удрен додека излегувал од претходно паркирано возило „тојота“. Возачот на „ауди“, кој го удрил, го напуштил местото на настанот, а повредениот е пренесен во Градската општа болница „Св. Наум Охридски“.
За сите несреќи бил извршен увид од екипи на СВР Скопје, а за случајот со бегството се преземаат дополнителни мерки за пронаоѓање на возачот.
Топ
Откриени над 30 килограми марихуана, предложен притвор за еден осомничен

Основното јавно обвинителство Битола донесе Наредба за спроведување истражна постапка против едно лице осомничено за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
Вчера, на магистралниот пат А3 Битола-Прилеп, во близина на кружниот тек за селото Тополчани, полициски службеници запреле и извршиле преглед на автомобил „Фолксваген голф“ со прилепски регистарски ознаки во кој осомничениот неовластено пренесувал две патни торби. Во внатрешноста на торбите се наоѓале вкупно 35 најлонски пакувања наркотичната дрога марихуана. Вкупната тежина на дрогата откриена во багажниот простор на автомобилот изнесува 32,575 килограми.
Во текот на истражната постапка, јавниот обвинител ќе преземе и повеќе дејствија за откривање на лицето/лицата од кои осомничениот ја набавил наркотичната дрога, како и на потенцијални сведоци во врска со извршеното недозволено пренесување. Поради опасноста осомничениот 36-годишник од Прилеп да се обиде да прикрие или уништи определени докази и да влијае врз сведоците, како и поради ризикот од бегство и можноста да го повтори делото, јавниот обвинител до судијата на претходна постапка од Основниот суд во Битола денеска достави предлог за определување мерка притвор.
Црна хроника
Кривична пријава против шест вработени во ЈП „Национални Шуми“: со несовесно работење нанеле штета на буџетот на претпријатието од над 170.000 евра

СВР Битола, до Основното јавно обвинителство Битола, поднесе кривична пријава против И.Т.(30) од Демир Хисар, И.Р.(59) од с.Кутретино, демирхисарско, Б.Ј.(60) од с.Слоештица, демирхисарско и С.У.(50) од Демир Хисар поради постоење основи на сомнение за сторено кривично дело „несовесно работење во службата“ и против А.Ш.(31) од с.Смилево, демирхисарско и М.Ѓ.(46) од с.Загорче, демирхисарско, поради постоење основи на сомнение за сторено кривично дело „злоупотреба на службена положба и овластување“.
Првопријавениот И.Т., вработен во ЈП „Национални Шуми“ како раководител на Подружница „Бигла“ – Демир Хисар, во текот на 2023 и 2024 година несовесно постапил во вршењето на своите овластувања и должности, односно посредно преку својата шумо-чуварска служба не извршил теренска контрола во атарот на с.Прибилци каде што бил утврден кусок од 343 кубни метри дрвна маса, која била посечена, но не и евидентирана во сметководствената евиденција на подружницата. На тој начин нанел штета на јавното претпријатие во износ од 2.401.000 денари или 39.040 евра. Исто така, со неизвршување на теренска контрола во реонот на Шумско стопанска единица ,,Илинска планина’’, бил утврден кусок од 954 кубни метри дрвна маса, која била посечена, но не евидентирана во сметководствената евиденција на подружницата и на ЈП „Национални Шуми“ првопријавениот нанел штета во износ од 6.678.000 денари или 108.585 евра. Во Шумско стопанска единица ,,Пречиста’’ бил евидентиран кусок на дрвни сортименти во количина од 83.30 кубни метри со што првопријавениот на ЈП „Национални Шуми“ нанел штета во износ од 583.100 денари или 9.481 евра. Додека, во Шумско стопанска единица ,,Јаворец’’ бил евидентиран кусок на дрвни сортимани во количина од 123,80 кубни метри со што првопријавениот на јавното претпријатие му нанел штета во износ од 866.600 денари или 14.091 евра. Според таблицата за пресметка на штета, посечени биле вкупно 1.504 кубни метри, при што на ЈП „Национални Шуми“ му била нанесена вкупна штета во износ од 10.528.000 денари или 171.186 евра.
Второпријавениот И.Р., во текот на 2023 и 2024 година, како раководител на шумо-чуварска служба во Подружница „Бигла“, заедно со трето и четвртопријавениот, шумо-чувари во подружницата, не извршиле теренски надзор, односно не ја извршувале примарната задача да ја чуваат шумата во државна сопственост и на тој начин дозволиле на локациите да биде посечена дрвната маса и на претпријатието да му биде нанесена штетата.
Петтопријавениот А.Ш., референт за превоз во подружницата, во текот на 2023 година се задолжил со приемница за сеча и приемница за дотур на 185,5 кубни метри огревно дрво, а по извршената испорака, во 2024 година од страна на пописната комисија бил констатиран кусок од 83.3 кубни метри и на тој начин била нанесена штета на јавното претпријатие.
Шестопријавениот М.Ѓ., референт за сеча и дотур, во текот на 2023 година се задолжил со приемница за сеча и приемница за дотур на вкупно 604 кубни метри огревно дрво, а по извршената испорака во 2024 година од пописната комисија бил констатиран кусок од 155,3 кубни метри огревно дрво.