МВР информира дека вчера во 15.30 часот било пријавено дека во Струмица на крстосницата од булеварот ,,Гоце Делчев“ и улицата ,,Климент Охридски“ се случила сообраќајна незгода помеѓу патничко моторно возило ,,мерцедес“ со бугарски национални ознаки, управувано од Б.С.(49) од село Рич и мопед ,,јијинг“ со струмички регистарски ознаки, управуван од А.К.(27) од село Дабиле.

Во незгодата со тешки телесни повреди се здобила А.К.. Увид на местото на настанот извршила увидна екипа од СВР-Струмица.

Пожар избувна изутринава на тешко пристапен терен над селото Буковиќ, во близина на Сарај. Како што дознава ,,Макфакс”, пожарот избувнал околу 10 часот изутринава.

Од Противпожожарната единица се испратени екипи на теренот, кои имаат проблем да стигнат до жариштето. Огнот избувнал високо во планината и до него засега е тешко да се пристапи.

Пожарот не е во близина на населените места.Буковиќ се наоѓа во западнот дел на Скопската Kотлина, во близина на автопатот Скопје – Тетово. Селото се наоѓа на десниот брег на реката Суводолица.

Охрижанец е тешко повреден откако се обидувал да влезе и да го сопре возилото коешто само почнало да се движи наназад. Како што информира полицијата, вчера во 14,15 часот било пријавено дека во Охрид, на локалниот пат кон место викано Чекоштина, кај крстосницата која води кон „Сончева порта“ и локален неасфалтиран пат за с.Орман, Л.В.(59) од Охрид, го паркирал возилото ,,Хјундаи Аксент“ со охридски регистарски ознаки и излегол од него.

Бидејќи возилото не било обезбедено, почнало да се придвижува наназад, по што Л.В. се обидел да влезе во него, но не успеал, а возилото продолжило да се движи прегазувајќи го. Тој се здобил со тешки телесни повреди, по што бил пренесен во болницата „Св.Еразмо“ за укажување на лекарска помош. Увид на местото на настанот извршила увидна екипа од СВР-Охрид.