Црна хроника
Самоубиство на притвореник од битолскиот затвор
Управата за извршување санкции (УИС) при Министерството за правда соопшти дека 28-годишниот битолчанец Кире Стисниовски, кој бил притвореник на битолскиот затвор, скокнал од прозорецот на четвртиот кат во Клиничката болница во Битола, со што си го одзел животот
Според соопштението, сега починатиот бил приведен на 1 август во притворското одделение поради тешка кражба, а се стекнал со повреди во делот на десната рака и вилицата при извршување на делото. Тој вчера, со придружба бил однесен на Одделот за максилофацијална хурургија во Битолската болница, каде што бил задржан поради скршеница на вилицата. Денеска по завршување на лабораториските испитувања и прегледи лекарот му препорачал хируршка интервенција, што тој ја одбил, по што лекарот предложил да се врати во притворското одделение во затворот и да се носи по потреба на контроли. Непосредно потоа, се наведува во соопштението, откако лекарот ја напуштил собата, а двајцата надзорници кои биле задолжени за негов 24-часовен надзор, стоеле крај вратата и повикале спроведување до затворот, Стисниовски во еден момент скокнал од прозорецот на четвртиот кат од болницата.На местото на настанот извршен е увид од истражен судија, јавен обвинител, од МВР, известено е семејството како и другите надлежни органи, а даден е и налог на Институтот за судска медицина да се изврши обдукција.УИС ги презема сите мерки за испитување на околностите во врска со смртта на притвореното лице и за утврдување на одговорноста на одговорните лица од затворот. Двајцата надзорници, пак, се суспендирани и против нив ќе се спроведе дисциплинска постапка.На битолчанецот Кире Стисниовски, роден 24 мај 1981 година, на 1 август му била определена мерка притвор поради основано сомнение за кривично дело тешка кражба и за недозволено изработување, држење и тргување со оружје или распрскувачки материјали. Тој бил осудуван и притворан повеќепати, бил наркозависник и повеќепати престојувал во Душевната болница во Демир Капија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.