Црна хроника
Спречен шверц на „екстази“
Десет илјади таблети амфетамин „Екстази“ се откриени вчера на граничниот премин Меџитлија, соопшти Царинската управа.
Таблетите биле спакувани на десет најлонски кеси кои се наоѓале во кутија за чевли, во багажниот простор на патничко моторно возило марка „опел сигнум“, управувано од М.С, државјанин на Холандија.При претресот пронајдени се и две најлонски кеси со непозната црна, зрнеста материја.М.С. како и негите сопатници Е.О.А. и А.Р.А., сите државјани на Холандија, привремено се задржани на граничниот премин Меџитлија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
21-годишен скопјанец ги нападнал двете сестри
Синоќа околу 20.45 часот во Скопје, на подрачјето на Карпош, полициски службеници од СВР Скопје го привеле Е.Л.(21) од Скопје.
Тој претходно физички ги нападнал неговите две сестри.
По целосно документирање на случајот, соопшти МВР, против него ќе следува соодветен поднесок.
Црна хроника
Таткото го пријавил момчето на својата малолетна ќерка дека извршил обљуба врз неа
Вчера во 09.00 часот во СВР Скопје, 46-годишен маж од Скопје пријавил дека едно лице, со кое неговата малолетна ќерка била во врска, извршило обљуба врз неа.
Полицијата соопшти дека се преземаат мерки за расчистување на случајот.
Црна хроника
Претепан возач на пајак-службата
Вчера во 17.40 часот во СВР Скопје, М.В.(49) од Скопје пријавил дека околу 17.20 часот на подрачјето на Центар, додека извршувал работни задачи како возач на возило во пајак служба, бил физички нападнат од М.Ј.(48) од Скопје.
На него претходно му било подигнато возилото.
По целосно документирање на случајот ќе следува соодветен поднесок, соопшти полицијата.