Како што дознаваме, истрагата се проширува и оди во насока на утврдување дали поединци од Капетанијата Охрид имаат одгвороност во случувањето на несреќата

Како што јавивме порано, вчера околу полноќ на капетанот на бродот, 23-годишниот Сотир Филевски, од страна на Миснитерството за внатрешни работи му поднесе кривична пријава за делото „загрозување на лицата и имотот во сообрајќајот“. Тоа е засега единствеанта кривична поднесена против Филевски, бидејќи како што велат нашите извори истрагата досега не утврдила други прочини за да се случи несреќата, што не е исклучено. На Филевски од страна на истражен судија му беше одредена мерка притвор во трање од 30 дена. На неговиот помошник Устријановски, пак, не му беше одредена мерката притвор.Разговорот во СВР Охрид со Филевски се одржа во доцните вечерни часови затоа што тој се наоѓал во шок и претходно со него контактираше стручно лице психолог.