Канцеларијата на јавниот обвинител на Бугарија синоќа покренала сопствена истрага за трагичната несреќа на Охридското езеро во која загинаа 15 бугарски државјани во саботата наутро.

Информацијата, што ја пренесува Софија морнинг њуз, била соопштена од Камен Михов, од канцеларијата на јавното обвинителство.Оваа истрага би била надвор од онаа што веќе ја спроведуваат македонските власти, а во која се вклучени и бугарски експерти. Иако не се обврзани македонските истражни органи дозволија во истрагата за утврдување на причината поради која бродот Илинден потона во водите на Охридското езеро да присуствуваат и тројца бугарски експерти за пловидба. Бугарски лекари и професори по судска медицина ги набљудуваа и обдукциите на 15-те тела што ги изврши Институтот за судска медицина во Скопје.Информации за текот на истрагата постојано се доставуваат и до политичкиот врв на Бугарија.Бугарската истрага најверојатно би се концентрирала околу фирмата која ги превезувала и донела бугарските туристи во Македонија, со оглед дека бугарските власти веќе јавија оти се работи за агенција која не поседува лиценца за тур оператор.Досега, македонските истражни органи покренаа кривична пријава за капетанот и сопственик на бродот Сотир Филески кој е во 30 дневен притвор. Синоќа до МВР и истражен судија првичен извештај поднесе и охридската Капетанија. Не е исклучено, според извори на forum.com.mk, кривични пријави да добијат и договорни лица од Министерството за транспорт и врски и од Капетанијата, кои требале да вршат редовни контроли за пловните објекти во државата.Миле Јанакиевски, министерот за транспорт и врски во саботата веднаш по веста за бродската несреќа си поднесе оставка од морани причини. Според владини извори, неговата оставка најверојатно нема да биде прифатено со оглед дека нема директна одговорност на министерот, а се работи и за еден од најуспешните министри во македонската влада.