Црна хроника
Со заеднички труд да се изгради „Св. Јован Бигорски“

Државниот врв, институциите и црквата повикуваат на солидарност и заедништво за што поскора изградба на изгорените делови од „Свети Јован Крстител“, познат како Бигорски, кај Дебар
Штетата од пожарот е непроценлива особено поради фактот што пламените јазици ја однесоа библиотеката, архивата и старите списи на манастирот, што не може да се надомести. Првичната штета се пресметува на над 5,5 милиони евра.
„Светиња и светилиште, кое не знаеше припаѓање во верата, на нацијата или било каква разлика. И тагата за Бигорски верувам дека и во овој миг, нема да направи граница меѓу сите граѓани на Република Македонија“, изјави г.г Стефан, по посетата на опожарениот објект.
Тој ја повика македонска јавност да ја сфатат несреќата како можност за збратимување и сите колку можат да помогнат во возобновување на манастирот Јован Бигорски. Според него, денешната случка треба да биде предупредување за сите нас како се грижиме за нашето културно наследство оставено од генерациите пред нас. „Во овој момент државата ќе стори се да го возобнови овој манастир, што претставува културно богатство на Македонија. Луѓето од околните села, монасите, пожарникарите, без разлика на нивното верско убедување, учествувале во спасувањето на објектот“, рече претседателот на Македонија, Ѓорге Иванов.
Тој прати апел до сите што можат да помогнат да се врати она што е изгубено во пожарот.
„ Библиотеката е неповратно изгубена, но она што можеме да го вратиме да го направиме што поскоро“, додаде Иванов.
Според министерката за култура, Елизабета Канческа – Милевска, манастирот е културно наследство и спаѓа под заштита на државата.
„Државата имала, има и ќе има обврска да дава поддршка на обнова на културното богатство“, порача Канческа – Милевска од пред портите на изгорениот манастир.
Градоначалниците на општините Дебар и Маврово и Ростуше порачаа дека манастирот бил симбол на заедништво на заедниците, а дека сите заедно утрото се обидувале да го спасат од огнената стихија. Ветија дека ќе се организираат истот така и за негово обновување.
Побараа од надлежните институции зголемена ангажираност во расветлувањето на случајот и утврдувањето на причините за пожарот.
Во соопштението објавено по одржаната вонредна седница на Советот на општината се наведува дека градоначалникот и Советот целосно ќе му излезат во пресрет на монашкото братство и другите свештеници при овој манастир, особено во делот на снабдувањето со основните и секојдневни потреби.
„Советот апелира до населението да се сочува здравиот разум и да не се дозволи разгорување на нетрпеливост помеѓу верските и националните чувства во врска со овој несреќен случај“, се вели во соопштението и се додава дека е отворена жиро сметка 500000000 – 3835 – 65, депонент Стопанска банка АД Битола, на која може да се донираат средства за санирање на последиците од пожарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени три лица за криумчарење мигранти од Египет

Полицијата приведе три лица на автопатот Куманово – Табановце за криумчарење мигранти од Египет.
Полициски службеници вчера ги лишиле од слобода А.Р.(26) од с.Студеничани, скопско, Б.Б.(26) од Радовиш и А.Ш.(31) од Радовиш.
Имено, во 19.45 часот на автопатот Куманово – Табановце, кај Костурник, полициски службеници забележале патничко возило „ауди“ со струмички регистарски ознаки, управувано од Б.Б., а сопатник бил А.Ш., и патничко возило „фолксваген пасат“ со скопски регистарски ознаки, управувано од А.С., во кои биле превезувани мигранти.
Возилата не застанале на даден знак за запирање и продолжиле движење, но набргу била запрени и во нив биле пронајдени осум лица мигранти од Египет.
Мигрантите биле пренесени во Транзитен центар Табановце, а по преземени било утврдено дека за А.С. има распишано три потерници и тој со другите две лица биле предадени во Полициската станица Куманово за понатамошна постапка.
Црна хроника
На ГП табановце приведени две лица – едното за шверц на дрога, другото за фалсификувана возачка дозвола

Вчера на Гранишниот премин Табановце се приведени две лица – едното за шверц на дрога, другото за фалсификувана возачка дозвола.
Околу 09:30 часот од страна на полициски службеници од ГП „Табановце“ уапсен е Х.О. (22) полски државјанин кој што со патничко возило „Рено меган“ со полски национални ознаки сакал да оствари влез во нашата земја. Лицето е приведено затоа што при дополнителна контрола врз возилото во истото била пронајдена пластична тегла со опојна дрога – марихуана, како и една дробилка.
На истиот граничен премин вчера околу 17:25 часот од слобода е лишено и лицето В.А. (39) српски државјанин при обид за влез во државава со мопед марка „Aprillia RSV4“ со швајцарска национална ознака. При гранична контрола лицето на увид приложило швајцарска возачка дозвола на негово име за која што по дополнителна контрола со помош на претставници на „Фронтекс“ било констатирано дека е целосен фалсификат.
Топ
Едно и пол годишно бебе донесено без знаци на живот на Детска клиника

Бебе од Скопје без знаци на живот било донесено на Детска клиника, соопшти полицијата.
Имено вчера во 07.30 часот во СВР Скопје, од Детска клиника Скопје било пријавено дека кај нив во 06.40 часот било донесено едноиполмесечно машко бебе од Скопје без знаци на живот.
Лекар констатирал смрт, а по насоки на јавен обвинител телото на бебето било предадено на обдукција.