Пронајден е машки труп на возраст од околу 50 години утрово во 01.10 часот во водите на битолската река Драгор.Од извршеното препознавање заради утврдување на идентитетот на починатиот, констатирано е дека се работи за лицето Живко Солаковски, 51 година, жител на Битола

„Веднаш по приемот на пријавата, на местото на настанот излезе увидна екипа од Одделението за криминалистичка техника и општ криминал при СВР-Битола. При тоа констатирано е дека во водите на реката Драгор пронајден е труп на непознато машко лице на возраст од 50-тина години, силно развиен, висок околу 180 см, со побелена коса, а бил облечен во црни фармерки, шарена маица и црна виндјакна. На нозете носел црни сандали“, изјави Ѓоко Стрезоски, портпарол на Секторот за внатрешни работи во Битола.Лекар од службата за итна медицинска помош кај трупот констатира смрт, а од страна на истражен судија издадена е наредба за вршење на патоанатомска обдукција, по што телото на починатиот е пренесено во  одделот за судска медицина во Клиничката болница во Битола.СВР-Битола работи на утврдување на причините за настапувањето на смртта, со цел настанот да се документира и целосно да се расветли.