Црна хроника
Во Гостивар украдена биста на народен херој
![](https://makfax.com.mk/wp-content/uploads/2016/11/5feea7eb-629e-4f6b-b92f-6d45401d5271-1784.jpeg)
Непознати сторители, во понеделник навечер ја украле бистата на народниот херој Панче Поповски од Алејата на народните херои на кејот на Вардар во Гостивар, соопшти Министерството за внатрешни работи
Случајот бил пријавен во полициската станица Гостивар од каде извршиле увид и работат на идентификување и пронаоѓање на сторителите. Од општинскиот одбор на Сојузот на борци на Македонија го осудија настанот нарекувајќи го вандалски чин и упатија апел до надлежните институции и општината да поведат поголема грижа за споемничните одбележја. Од 1 јануари, досега регистрирани се четири сквернавења на бисти и споменици посветени на Нардоноослобителната војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Уапсени две лица, пронајдена дрога
![](https://makfax.com.mk/wp-content/uploads/2023/11/droga-zaplena.jpg)
Вчера во 10.50 часот во Штип, полициски службеници од Одделението за недозволена трговија со дрога и оружје при СВР Штип ги лишиле од слобода М.А.(29) од Штип и Ќ.А.(27) од Гевгелија.
При извршен претрес со наредба од Основен суд Штип во домот во Штип каде престојувал М.А. и каде била затекната Ќ.А., биле пронајдени и одземени кафеава прашкаста материја, марихуана, бела грутчеста материја и мобилен телефон.
По целосно документирање на случајот ќе следуваат соодветни поднесоци.
Црна хроника
Вадел пари од туѓа картичка без знаење на сопственикот
![](https://makfax.com.mk/wp-content/uploads/2017/10/bankomat.jpg)
Надворешната канцеларија за криминалистички работи Пробиштип поднесе кривична пријава против З.Т.(59) од Пробиштип кој неовластено подигнал туѓи парични средства од банкомат.
Како што информираат од Министерството за внатрешни работи, З.Т. се сомничи дека сторил кривично дело оштетување и неовластено навлегување во компјутерски систем.
„На 04.05.2024 пријавениот, искористувајќи го моментот кога оштетениот од банкомат на банка во Пробиштип не успеал да подигне парични средства и не се одјавил од системот, неовластено од неговата сметка подигнал парични средства во износ од 20.000 денари“, стои во соопштението од МВР.
Црна хроника
Двајца жители на Кочани копале злато во делчевско, го оштетиле културното наследство
![](https://makfax.com.mk/wp-content/uploads/2020/05/Delcevo-1.jpg)
Надворешната канцеларија за криминалистички работи Делчево поднесе кривична пријава против двајца жители на Кочани осомничени дека во атарот на село Очипала, делчевско, без да поседуваат дозвола за археолошки истражувања, започнале со проучување и пронаоѓање на знаци, со цел идентификување на место каде можат да бидат пронајдени вредни предмети и потоа да продолжат со ископување.
– Надворешна канцеларија за криминалистички работи Делчево поднесе кривична пријава против В.К.(53) од Кочани, поради постоење основи на сомнение за сторени кривични дела „оштетување или уништување на добра под привремена заштита или културно наследство или природни реткости“ и „присвојување на добра под привремена заштита или културно наследство или природни реткости“ и М.И.(59) од Кочани, поради постоење основи на сомнение за сторено кривично дело „оштетување или уништување на добра под привремена заштита или културно наследство или природни реткости“, стои во соопштението од МВР.
Како што информираат од Министерството за внатрешни работи, пријавените биле запрени од полициски службеници, а при преглед во возилото била пронајдена и одземена опрема и алат наменети за археолошки истражувања и ископ, кај второпријавениот биле пронајдени осум сребрени монети, а кај првопријавениот уште четири стари монети и два стари прстени.
– Со извештај од Управа за заштита на културното наследство, било констатирано дека четирите монети и двата прстени одземени од првопријавениот, претставуваат добро под привремена заштита, дополнуваат оттаму.