Црна хроника
Потрага по исчезнатите лица во Охрид

Припадници на специјалните нуркачки единици при МВР денеска ги пребаруваат водите на Охридското Езеро кај детското одморалиште „Славија“ и поранешната Специјална детска болница, каде беше пронајдена личната чанта на Лета Цветаноска Лазареска, која од понеделникот се води како исчезната
„Полицијата во сила ги стави сите свои ресурси. Секогаш кога станува збор за возрасни исчезнати лица тешко може да се процени моментот од кога може да се констатира дека нешто се случува, но секогаш кога исчезнувањето ќе се пријави се ангажираат сите располижливи сили на полицијата со цел да се откријат лицата по кои се трага“, рече министерката за внатрешни работи Гордана Јанкуловска која денеска престојуваше во работна посета на охридската Езерска полиција.Покрај по триесет и пет годишната Лета, охридската полиција од вчера трага по уште еден исчезнато лице. Станува збор за 62-годишен маж кој од четвртокот не се вратил во својот дом. Според изјавите на неговото семејство последен пат тој бил виден истиот ден во 16 часот кај одмаралиштето на ПТТ, на кејот на Охридското езеро. Во потрагата покарај семејството се вклучени и неколку екипи на полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возач загина кај гостиварско Чегране

Возач починал на самото место откако излетал со својот фолскваген голф на патот меѓу гостиварско Чегране и Корито, информира Министерството за внатрешни работи. Се работи за 26-годишниот Л.М. од гостиварското село Форино. Смрт констатирал лекар од Итната медицинска помош.
Увидната екипа на ОВР Гостивар извршила детална истрага на местото на несреќата, во присуство на јавен обвинител. Телото на починатиот, по наредба на обвинителот, е дадено на обдукција за утврдување на причините за смртта.
Топ
Во тешка сообраќајка попладнево загина маж, а тешко повредено е 18-годишно момче

Во директен судир на две патнички возила попладнево околу 14 часот на експресниот пат Штип – Велес загинал маж, а 18-годишно момче е тешко повредено. Увид направила екипа на СВР Штип, потврдија од МВР. На местото на настанот била повикана и екипа на Противпожарната единица од Велес.
Како што информираат од Итната помош на ЈЗУ Здравствен дом Велес, тие за несреќата биле повикани во 14.20 часот и за десетина минути стигнале на местото на несреќата – на крстосницата кон село Иванковци кај силосите.
Д-р Елена Најдовска изјави дека констатирале смрт кај повозрасен маж од едното возило, кој починал на самото место на директниот судир. Рече дека веднаш му укажале лекарска помош на 18-годишното момче од Струмица кое било во другото возило. Имал повреди на карлица, на десно колено и на главата, но бил свесен и контактибилен.
По укажаната прва медицинска помош, екипата од Итната помош го пренеле повреденото момче на понатамошно лекување во Ургентниот центар во Општа болница Велес.
Автомотосојузот на Македонија во вонреден извештај попладнево информираше дека сообраќајот на експресниот пат Штип – Велес е во прекин во двата правца.
Црна хроника
Лишени од слобода лихвар и неговата сопруга од Неготино
