Црна хроника
Еден загинат во несреќа на патот Градско-Скопје
Едно лице загина во сообраќајна несреќа на регионалниот пат Градско-Прилеп, вчера околу 18 часот кога патничко возило „Опел Астра“ се судрило со „Мерцедес“
Возилото Опел Астра со скопски регистерски ознаки било управувано од Александар С.(1985) од Скопје, и патничко моторно возило Мерцедес со велешки регистерски ознаки управувано од Ѓ.С.(1978) од Кавадарци.
Во несреќата починал возачот на Опел Астра Александар, а со тешка телесна повреда се здобила сопатничката во истото возило И.П.(1989) од село Лескоец-Охрид, по што е пренесена во Клинички центар-Скопје.
Сопатниците во Мерцедесот Н.М.(1970), А.С.(1972) и Д.П.(1986) сите од Кавадарци, се здобиле со телесни повреди. Увид на лице место извршиле истражен судија, заменик јавен обвинител и увидна екипа од Полициската станица во Кавадарци. Од незгодата е причинета и материјална штета од околу 200 илјади денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.