Црна хроника
Кумановски таксисти си поделиле ќотек за патници

Таксисти од Куманово се степале, при што еден се здобил со тешки телесни повреди
Првичната причина за тепачката, како што соопштија од МВР била кој од нив да пренесе патниците. На едната страна во тепачката учествувале двајца браќа од кумановското село Тромеѓе, а од другата страна триесет и едногодишен жител на Куманово.Кумановецот извадил метална шипка и ги нападнал двајцата браќа, при што еден од нив, деветнаесетгодишниот Д.С. се здобил со посериозни телесни повреди.Во кумановската болница му била укажана медицинска помош, а потоа бил пренесен во Клиничкиот центар во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од тетовско измамена за 500 евра со лажно ветување за социјална помош

59-годишна жена од тетовско село пријавила во полицијата дека била измамена од две лица, меѓу кои и Х.„Н“ од тетовско.
Според пријавата, во текот на 2024 година тие ја довеле во заблуда со ветување дека ќе ѝ обезбедат примање на социјална помош – надомест за туѓа нега, за што таа им платила 500 евра. Жената подготвила и цела документација, но на крајот на 2024 година добила официјално решение со кое нејзиното барање било одбиено.
Како што дополнително пријавила, таа ги известила измамниците за одбивањето, но тие продолжиле да ја убедуваат дека набргу ќе ги добие парите. По извесно време го прекинале контактот со неа, по што сфатила дека е измамена.
Случајот е пријавен во полиција, а надлежните органи преземаат мерки за целосно расчистување на измамата.
Црна хроника
Возачот му ветил дека ќе плати за болничките трошоци, но не исполнил – тротинетистот со задоцнување го пријавил настанот

Дваесетгодишен скопјанец впријавил дека на 1 септември годинава учествувал во сообраќајна несреќа во Шуто Оризари, во која се судриле патничко возило „мерцедес“ и електричен тротинет што го управувал тој.
При несреќата младиот тротинетист се здобил со тешки телесни повреди, констатирани во Градската општа болница „Св. Наум Охридски“. Според неговата пријава, со возачот на автомобилот постигнал договор да му плати за болничките трошоци, но тоа не било сторено, поради што со задоцнување го пријавил настанот во полиција.
Од МВР информираат дека се преземаат мерки за пронаоѓање на возачот на автомобилот и целосно расчистување на случајот.
Црна хроника
Уапсени две лица од Струга и Струшко, осомничени за физички напад и пукање од огнено оружје, следува пријава

Вчера во 23:00 часот, полициски службеници од ОВР Струга го лишија од слобода А.К.(29) од Струга и на 17.09.2025 околу 11:00 часот го лишија од слобода Л.К.(34) од струшкото село Велешта во врска со кривично дело „убиство“ во обид по член 123 став 1 во врска со член 19 од Кривичниот законик.
Тие, претходно на улица „ЈНА“ во Струга, со метални предмети ги нападнале Б.А.(52) и 17-годишно лице, двајцата од дебарското село Џепиште, по што Л.К. со пиштол испукал неколку куршуми кон Б.А. и избегал.
По преземени мерки, двајцата се пронајдени и лишени од слобода. Повредениот, со возило на Итната медицинска помош е пренесен во Општата болница во Струга каде се констатирани тешки телесни повреди. По целосно расчистување и документирање на настанот, ќе бидат поднесени соодветни пријави.