Црна хроника
Скопјани осомничени за измама од речиси два милиони денари

Одделението за економски криминал при СВР Скопје, поднесло кривична пријава против двајца скопјани, поради основано сомнение дека сториле кривично дело „Измама“, соопштуваат од МВР
Со кривичната пријава осомничените се товарат дека 40-годипшниот скопјанец во својство на управител на фирмата „РАСУЉ ТРЕЈД“, заедно со неговиот 39-годишен колега вработен во истата фирма, во текот на 2009 г., со намера да се стекнат со противправна имотна корист при купопродажба на стока, со лажно прикажување на факти за солвентноста на фирмата, ги довеле во заблуда одговорните лица во четири други фирми да им дадат стока во вкупна вредност од 1.977.043,00 денари, за која сума и ги оштетиле фирмите.Управителот на фирмата иако знаел дека нивните жиро сметки се блокирани повеќе од 45 дена, односно дека не може редовно да ги подмирува обврските, заедно со неговиот вработен оделе по други фирми и се претставувале како солвентни, при што од четири фирми набавиле стока (градежен материјал, моторни масла, автомобилски гуми) која ја подигнувале со фактури и испратници. Набавената стока, управителот, воопшто не ја евидентирал и книжел од причина што истиот воопшто не водел никаква книговодствена документација, а не сочинувал ниту калкулација за цената. Стоката двајцата на црно ја продавале на физички и правни лица и тоа по пониска цена од таа по која ја набавиле, исклучиво во готово. Добиените финансиски средства од ваквата продажба не ги евидентирале никаде, ниту пак ги уплаќале на сметките на фирмата, туку ги трошеле за сопствени потреби.Двајцата осомничени се изведени пред Истражен судија, кој им изрече мерка притвор во времетраење до 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.