Црна хроника
Уапсени ограбувачи кои пукале врз полицајци

Полицијата соопшти дека доцна синоќа привела две лица, кои, откако оргабиле спортска обложувалница, зеле заложник, отвориле оган врз полицијата, по што им било возвратено
Лицата И.Ф (24) и А.А (19) од Скопје синоќа околу 21.45 часот влегле во обложувалницата Корнер на улица Благој Стефковски, каде под закана со оружје од вработениот одзеле околу 25 илјади денари.Кога на излегување од локалот забележале службени лица, поставени за нивно апсење, разбојниците и покај повиците да застанат и предупредувачките истрели се вратиле во обложувалницата.Откако не успеале да избегаат преку прозорецот од тоалетот, го зеле вработениот како заложник и втурнувајќи го кон полицајците избегале кон улицата “Иван Наумов Албакот“.При бегањето И.Ф. во неколку наврати пукал со пушка кон полицајците кои возвратиле.По целосно затворање на просторот двајцата осомничени околу полноќ биле пронајдени и лишени од слобода на истата улица во близина на амбулантата.Од нив се привремено одземени автоматската пушка „АК-47“ калибар 7,65 мм од кинеско производство, со рамка во која имало 21 куршум, две маски-фантомки, два пара црни ракавици, црн ранец во кој ги носеле парите, возило „Форд Ескорт со украдени регистерски ознаки и 25.000 денари кои претходно ги украле од обложувалницатаПолицијата утврдила дека истите лица стојат и зад разбојништвото кое беше извршено на 06. јануари годинава во Радишани. Тогаш од вработените во обложувалницата „Депортиво“, под закана со автоматска пушка, биле одземени 20.000 денари и еден мобилен телефон.Поради сомненија дека И.Ф(24) и А.А.(19) учествувале и во други разбојништва кои се случија изминатиов период, повеќе од 30-тина лица кои биле очевидци на овие настани се повикани на препознавање.Полицијата соопшти дека со кривични пријави за „Убиство во обид“, две „Разбојништва“ и „Недозволено држење оружје и распрскувачки материи“ ќе бидат изведени пред надлежниот Истражен судија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
(Фото) Запленети околу 100 килограми марихуана во Струмица, уапсени три лица

Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите законски овластувања, постапувајќи по наредба на јавен обвинител на 30.06.2025 во 18.30 часот на ул. „Климент Охридски“ во Струмица ги лишија од слобода Е.Б.(32) од село Попчево, струмичко и А.С.(39) и А.С.(24) од скопско.
При преглед на патничко возило „голф“ со фалсификувани регистарски ознаки, управувано од Е.Б., биле пронајдени шест торби со 100 пакувања марихуана, со вкупна тежина од околу 100 килограми.
За настанот бил запознаен јавен обвинител од Основното јавно обвинителство Струмица.
По документирање на случајот, во текот на денот ќе биде поднесена кривична пријава и ќе бидат изведени пред судија од Основен суд Струмица, соопштија надлежните.
Црна хроника
Тројца повредени, меѓу нив и малолетник: „митцубиши“ управувано од 18-годишник излета од патот во Демир Капија

Синоќа во 22.50 часот во ОВР Неготино е пријавено дека на обиколницата во Демир Капија, патничко возило „митсубиши“ со демиркаписки регистарски ознаки, управувано од Н.Д.(18) од Демир Капија, излетало од коловозот.
Во несреќата, со тешки телесни повреди се здобил возачот, додека со телесни повреди се здобиле сопатниците Д.П.(19) и малолетник, двајцата од Демир Капија, констатирани во Општа болница Кавадарци.
Извршен е увид од увидна екипа на ОВР Неготино.
Црна хроника
Три автобуси и комбе опожарени во близина на бензинска пумпа во Кочанско

Денеска (01.07.2025) во 02.30 часот во СВР Штип е пријавено дека кај бензинска пумпа во нас.Оризари, кочанско се опожарени три автобуси и едно комбе, сопственост на приватна фирма.
Пожарот е изгаснат од страна на Територијалната противпожарна единица Штип. Повредени лица нема.
Полицијата соопшти дека во текот на денот ќе биде извршен увид од увидна екипа од ОВР Кочани.