Црна хроника
Приведена албанска група што ограбувала цркви

Струшката полиција против четири лица државјани на Албанија, членови на меѓународна криминална група, поднесе кривична пријава за две „тешки кражби“ извршени во цркви
Полицијата соопшти дека на лицата А.С.(36) и Д.Д. (30) од Албанија, одредена им е мерка притвор во траење од 30 дена. Се преземаат интензивни мерки за пронааоѓање на лицата О.М. (58) и И.Б.(49) од Република Албанија.Групата во четвртокот насилно влегла во црквата ,,Св.Никола,, во селото Октиси, од каде одзеле алишта и други поситни предмети.Истиот ден се упатиле кон селото Луково каде најнапред ја разгледале околината на црквата ,,Св.Варвара,, и пристапните патишта. По направениот план, вечерта околу 19 часот, со истиот алат, насилно влегле во црквата. Додека еден од осомничените останал во возилото, другите тројца, одзеле две икони и неколку други црковни предмети. При излегување, биле забележани од месното население, по што со фрлање на иконите, почнале да бегаат, двајца со возило а другите двајца низ шумата. Набрзо потоа, пријавените А.С и Д.Д. се пронајдени и приведени во Полициската станица во Струга. Полицијата се сомнева дека четричлената криминална група, има извршено и други кражби на икони и вредни предмети од Македонските православни објекти, кои ги продавале во Албанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кавадарчанец бил удрен со возило во дворот

Кавадарчанец пријавил во полиција дека бил удрен од возило во неговиот двор.
„Рано утрово во 00:30 часот во ОВР – Кавадарци, Д.Н., 53-годишен кавадарчанец, пријавил дека синоќа околу 22:30 часот во дворот од неговиот дом, бил удрен од патничко возило, што го управувал Д.С., при што се здобил со повреди“, појаснија од Секторот за внатрешни работи – Велес.
Оттаму потенцираа дека се преземаат мерки за расчистување на настанот.
Црна хроника
53-годишен пешак од Украина загина кај граничниот премин Долно Блаце

22-годишната Б.С. од Косово, со живеалиште во Сојузна Република Германија, удрило во пешакот К.М. (53) од Украина, кој подоцна им подлегнал на повредите.
Несреќата се случила вчера околу 18:00 часот, на магистралниот пат Скопје – Граничен премин Долно Блаце кога 22 годишната девојка удрила во 53-годишниот Украинец.
Пешакот се здобил со тешки телесни повреди и веднаш бил пренесен со возило на Итна медицинска помош од Косово во најблиската болница. За жал, во 20:20 часот лекарите констатирале смрт. По наредба на јавен обвинител, телото било дадено на обдукција за да се утврдат точните околности на трагедијата.
Б.С., исто така се здобила со телесни повреди, кои ѝ биле констатирани во приватна болница во Скопје. На местото на несреќата извршен е увид од јавен обвинител и увидна екипа на СВР Скопје, а истрагата е во тек за целосно расчистување на случајот.
Црна хроника
Приведен штипјанец кој „летал“ со 252 км/ч или двојно повеќе од дозволеното

36-годишниот Г.Ј. од Штип вчера беше приведен од страна на полициски службеници од СВР Струмица – ОВР Гевгелија откако на автопатот „Пријателство“ кај селото Милетково возел со неверојатни 252 километри на час.
Како што информира МВР, возачот управувал патничко возило марка „БМВ“ со скопски регистарски таблички, и тоа на делница каде што максимално дозволената брзина е 120 километри на час.
За случајот бил известен јавен обвинител од Основното јавно обвинителство Гевгелија, а против возачот ќе биде поднесена кривична пријава по член 297-а од Кривичниот законик за „безобѕирно управување со моторно возило“.