Македонската јавност, се чини, не се возбуди премногу по вчерашното откривање на можната заплетканост во криминални дејствија на тетовската фирма која учествува во логистиката на ИСАФ мисјата на НАТО во Авганистан

Имено „Еколог“, односно нејзиното претставништво во Диселдорф е под сомнение дека учествувала во злосторства и криумчарење дроги. „Еколог“ првпат е осомничена пред осум години и се споменува во таен извештај на германската разузнавачка служба којашто дејствувала во склоп на КФОР каде се изнесува оценката дека станува збор за клан кој има тежиште врз организираниот криминал.Во сегашното доверливо известување, се зборува дека семејстовото Дестани од Тетово ги контролира злосторствата и криумчарските активности во пограничниот регион меѓу Косово и Македонија.Сопоред сознанијата на Форум, пак, неколку лица од  филијала на фирмата „Еколог” во Скопје и во Тетово во периодот меѓу 2005 и 2006 г. од банкарски автомати во Република Македонија секојдневно во продолжение подигнувале големи суми од кредитни картички, така што вкупниот износ за една година достигнала меѓу два и три милиони евра. Тоа станало сомнително за финасиската полиција, која почнала да ги следи овие трансакции. На инспекторите во Скопје им било индикативно зошто толку средства се влечеле од кредитни картички, а не од банкарските дознаки и депозити. Во текот на истрагата осомничените од тетовската филијала на „Еколог” тврделе дека се тоа пари за платите на вработените во Авганистан и Средeн Исток, каде што компaнијата ангажирала работници од Македонија.Според нашите сознанијам во случајот за кој македонските истражни органи се сомневаат дека станува збор за перење пари, се поврзани повеќе имиња и фирми. Станува збор за релативно познати фирми регистрирани во Македонија, но и личности многу популарни во јавноста. Нашите извори сметаат дека се работи за поголема мрежа од фирми, некои од нив и фиктивни, кои послужиле низ нивните сметки да минат пари кои најверојатно потекнуваат од нелегални бизниси. Според документацијата во којашто имавме увид, како сопственик на „Еколог“ ДОО Тетово заедно со Ајше Зенуни пред четири години се јавува извесен Ласте Николовски од Скопје, кој, пак, се јавува и како сопственик на „Еколог“ ДОО Скопје заедно со Олгица Ристовска и Коце Атанасов.Од регистарската влошка на оваа фирма може да се види дека е регистрирана на 14.01.2002 г. кога како основачи се јавуваат германскиот државјанин Андреас Козлик и Л.Николовски и Фадил Зенуни. Според сомненијата на македонските истражни органи станува збор за истата фирма која работи на логистиката на меѓународните сили во Авганистан и носи работници од Македонија, најчесто од тетовско, кумановски и скопско, во Ирак и Авганистан каде се ангажирани на градежни работи. На 11 мај 2006 г. била извршена промена во сопственичката структура на „Еколог“ со која нови сопственици на фирмата стануваат Фадил и Ајше Зенуни, а набрзо се прави уште една измена на сопствениците па ново-стари газди стануваат Ласто Николовски и Ајше Зенуни. Во 2006 г., за само половина година, инспекторите забележале дека од сметката на оваа фирма во една домашна банка биле подигнати околу 200 илјади американски долари. Била следена и сметката на фирмата во ТТК Банка АД Скопје, на која, пак, не биле забележани позначителни промени. За истражните органи во Македонија многу индикативно е што споменатиот Ласто Николовски, кој се јавува и како сопственик или сосопственик на уште неколку фирми регистрирани во Скопје, како и уште неколку лица од Скопје, меѓу кои е и неговата сопруга Маја Николовска, добивале огромни суми од странски банки. Така, забележано е дека по налог на извесен Ацо Бибановски на 22 јуни 2006 г.  од Бурган Банк Кувајт, се трансферирани 299. 965 американски долари на девизната сметка на Маја Николовска во домашна банка во Скопје, по основ „дознаки од странство“, а на 31 јули истата година,  на истата сметка, по ист основ и од истата банка, Ацо Бибановски трансферирал уште 269. 965 долари.  Николовска на нејзината девизна смета со евра, претходно во март 2006-та, добила прилив од 10 илајди евра по налог на сопругот Ласте Николовски од АБН Амро Банк Амстердам.Ласто Николовски на 6 декември 2006 г. од странска девизна мастер картичка издадена од Бурган Банк Кувајт, во Комерцијална банка Скопје, подигнал три милиони денари, од кои 1.700.000 денари ги уплатил на својата денарска сметка во банката.Во оваа обемна документација која е водена за повеќе лица и повеќе фирми, се следени повеќе од стотина сметки, под сомнение дека станува збор за голем синџир за перење пари. А во него една од централните фигури е и лицето кое до пред три години се јавува како сосопственик на тетовската фирма „Еколог“.Во вчерашните информации на западните медиуми, се споменува дека станува збор за фирмата Еколог од Диселдорф која има свое претставништво и во Тетово и е во сопственост на македонско-албанска компанија а работи логистички за мисијата ИСАФ во Авганистан, која наводно е вмешана во кривичлни дела. Како основа за ова истрага на НАТО, меѓу другото послужиле и сознанијата на КФОР за влијателната македонско-албанска фамилија Дестани од околината на Тетово, во чија сопственост е фирмата „Еколог“.Според сознанијата на Форум резултатите од истрагата се доставени до обвинителството, но досега не е поведена постапка за можните илегални трансакции со големи суми пари. Така што останале сомнежите за можно перење пари кои сега се актуелизираат.По написите на Дојче веле, помошникот министер за односи за јавноста на МВР, Иво Котевски за агенцијата изјави: „Доколку постојат какви и да се сомневања за работењето на фирмата „Еколог“, МВР целосно и итно ќе ги провери, особено ако има индиции за вмешаност на македонски државјани во криумчарење дрога и оружје, користејќи ја мисијата ИСАФ во Авганистан, за потоа да се легализираат преку Македонија.“Форум во секој случај ќе продолжи со истражување на темата.