Црна хроника
Пленот од вчерашниот грабеж изнесува 750 илјади денари

Во вчерашниот грабеж на Уни Банка во ТЦ Скопјанка, крадците украле 750 илјади денари или околу 12 илјади евра, информираат од Министерството за внатрешни работи
Сторителите на грабежот, засега, се непознати за полицијата. Вчера, околу 11:20 часот две маскирани и вооружени лица упаднаа во експозитурата и од двете вработени со закани за физички напад ги одземаа парите и побегнаа во непознат правец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена се здобила со тешки повреди додека работела како хигиеничарка во државна институција на подрачјето на Центар

Вчера во 14:10 часот во СВР Скопје, 56-годишната В.П. од село Јурумлери, скопско, пријавила дека околу 07:30 часот во објект на државна институција на подрачјето на Центар, додека извршувала работни задачи како хигиеничарка, се здобила со тешки телесни повреди, констатирани во Градската општа болница „Св. Наум Охридски“.
За настанот бил известен трудов инспектор.
Црна хроника
МВР со детали за пожарот кај „Зебра“: четири возила зафатени од огнот

Денеска во 02.05 часот во СВР Скопје било пријавено дека во Скопје, на територија на Центар, било опожарено патничко моторно возило „фиат“ со скопски регистарски таблици, сопственост на правно лице, а од огнот биле зафатени и патнички моторни возила „шевролет авео“ со охридски регистарски таблици, сопственост на М.И.(21) од Охрид, „фиат пунто“ со скопски регистарски таблици, сопственост на Е.Т. (20) од Скопје и „сузуки“ со скопски регистарски таблици, сопственост на С.М.(54) од Скопје.
Пожарот бил изгаснат од страна на Бригадата за противпожарна заштита Скопје, а увид ќе се врши во текот на денот.
Црна хроника
Битолчанка тешко повредена кога во неа удрило товарно возило

Вчера во 11:41 часот во СВР Битола е пријавено дека на улицата „Рајко Жинзифов“ во Битола, товарно возило „цитроен“ со велешки регистарски ознаки, управувано од 44-годишниот Д.К. од Велес удрило во пешакот, 69-годишната Ј.Д. од Битола.
Во несреќата со тешки телесни повреди се здобила Ј.Д., констатирани во Клиничката болница Битола.
Извршен бил увид од увидна екипа од СВР Битола.