Како што дознаваме од извори од Врховниот суд, денеска се потврдени предметите во слуајот Југ 2 по двете години чекање што беа правдани со административни грешки и недостиг од документи

Семејствата на затворените во акцијата „Југ 2“ минатиот месец директно во Врховен побараа пред одговор зошто две години судиите не се изјаснуваат за досието со криумчарење мигранти за кое во затвор завршија 21 член на групата која организирала нелегален транспорт на мигранти преку Македонија до Грција. Семејствата го загубија рпението затоа што нивните роднини четири години беа во затвор и затоа што Врховниот суд за сличната акција „Југ 1“ се изјасни уште пред година, иако предметите се идентични и пристигнаа во судот речиси истовремено. Со првостепената пресуда од 1,5 до 12 години казна затвор, беа осудени вкупно 21 лице, инволвирани во шверцот на најчесто албански, но и индиски и кинески мигранти кои преку Македонија биле префрлани во Грција.Најмногу, 12 години затвор, заработија двајца од организаторите на трговијата со луѓе, на кои им се судеше во отсуство.Според обвинението, групата во 15 наврати од декември 2005-та до мај 2006-та година, кога беа уапсени преку диви премини за сума до 800 евра, ги префрлале мигрантите.Во Акцијата Југ Врховен ослободи 26-мина осудени и предметот го врати на ново судење,Исто така, потврден е и случајот на поранешниот заменик-министер за правда Зоран Стојанкиќ кој на 31 јануари 2008 г. беше приведен и осомничен дека како стечаен управник во „Центро“ незаконски зел 33,5 милиони денари. За истиот случај се обвинети и тројца стечајни судии. Според пријавата, тој од 30 октомври 2002 до 22 мај 2006 г. како стечаен управник ги оштетил доверителите на „Центро“ за повеќе од 33,5 милиони денари, кои си ги присвоил. Во пријавата е посочено дека тој исплатувал неосновани побарувања во стечајната постапка и прикажувал неосновани трошоци, а ја уништил, прикрил или ја оштетил документацијата за работата на компанијата врз основа на која се евидентира финансиското работење на стечајниот должник. Парите од фирмата ги подигнал во готовина, а со неисплатувањето на доверителите долгот на „Центро“, со каматите, го зголемил за 10 милиони евра.Финансиската полиција сомничеше и тројца стечајни судии дека му овозможиле на Стојанкиќ да ја ограби фирмата. Истрагата се проширува и на стечаите во другите фирми каде што осомничените вршеле незаконски дејства. Стојанкиќ до неодамна бил стечаен управник и во „Техника“, кумановските „Житомел“ и „Искра“ и во други фирми кои завршија во рацете на кумановецот Бајруш Сејдии.