Минатат седмица цариниците од царинска испостава Деве Баир, при вршење на редовна царинска контрола спречиле два слични обида за нелегално внесување на поголемо количество женска долна облека, која била пронајдена при личен претрес

При личен претрес на двајца патници, македонски државјани кои патувале во возило со бугарски регистарски таблички пронајдени се сокриени 171 чифт женска долна облека. Царинските службеници при претрес на патниците откриле дека околу рацете, нозете и стомакот имаат залепена непријавена долна облека. Кај едниот патник биле пронајдени 131 чифта, а кај другиот 40 чифат женска долна облека.На 14 март, откриен е уште еден таков случај во кој е инволвиран бугарски државјанин со иницијали Б.З кој патувал во возило со бугарски регистарски таблички, пријавено за влез во Македонија. При спроведен личен претрес  царинските службеници пронашле 68 пара градници завиткани околу стомакот, градите и замотани во најлон кеси во патната торба. Во двата случаи стоката е привремено задржана, а против  прекршителите се поднесени барања за поведување на прекршочна постапка пред Комисијата за одлучување по прекршоци на Царинска Управа.