Црна хроника
По десет години бегство, уапсен познат тетовски криминалец
По десет години бегство, МВР синоќа го уапси дваесет и деветгодишниот Мухамед Асани – Мека, познат криминалец од Тетово. Мека е предаден на издржување на затворска казна од 22 години во „Идризово“
При претрес на неговиот стан на улица „Вонвардарска“ во Тетово, пронајден е пиштол „Застава“ калибар 6,35 милиметри со рамка со еден куршум и футрола, дигитална електронска вага, една кеса со 20 зипер пакувања со непозната зелена тревкаста материја, две кесиња со ваква материја и околу 500 празни најлонски пакувања, соопштуваат од МВР.Против Мека се поднесени вкупно 15 кривични пријави, три посебни извештаи и три прекршочни пријави. Осудуван е за изнуди, разбојништва, обиди за убиство, тешки кражби, како и дека учествувал во неколку вооружени инциденти на вонредните избори во 2008 година.При акцијата биле затекнати уште неколку лица со него, а против едно од нив ќе биде понесена и кривична пријава за неовластено држење на оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три скопјанки нападнати од нивните сопрузи во домовите и на автобуска постојка
Полицијата информираше за три случаи на семејно насилство што се случиле во едно деноноќие на територијата на Скопје.
Се работи за жени на возраст од 30, 31 и 42 години, кои биле жртви на семејно насилство во своите домови и на автобуска постојка.
Во првиот случај, 30-годишна жена пријавила дека на 21 ноември околу 02.30 часот во семејниот дом на подрачјето на Гази Баба, била физички нападната од нејзиниот сопруг Д.С.(41).
Истиот ден во 15 часот, 42-годишна жена во семејниот дом во скопско село, била физички нападната од нејзиниот сопруг Г.Т.(47). Со него бил извршен службен разговор во полициска станица и по целосно документирање на случајот ќе следува соодветен поднесок.
Во третиот случај, 31-годишна жена, пријавила дека на автобуската постојка во скопско село била физички нападната од нејзиниот сопруг Ф.З.(33), со кој одреден период биле разделени, а при нападот и го скршил и мобилниот телефон.
Се преземаат мерки за расчистување на случаите, велат од МВР.
Топ
Механичар пукал кон муштерија по расправија околу поправка на автомобил во Гостивар
Вербална расправија околу поправка на автомобил заврши со пукање во Гостивар.
Механичар во текот на вчерашниот ден, со пиштол кој го поседувал без дозвола, пукал кон муштерија кој дошол во неговата продавница за автомобилски делови за да го поправи возилото.
За време на конфликтот, муштеријата го турнал механичарот кон автомобилот со цел да го натера да му го поправи. Но, инцидентот допрва почнал. Мајсторот револтиран влегол во куќата. Го зел пиштолот и испукал проектил кон оштетениот. Не го погодил, а куршумот завршил во вратата на возилото.
Јавниот обвинител до судијата на претходна постапка од Основниот суд во Гостивар поднесе предлог за определување мерка притвор за осомничениот.
Тој се товари за убиство во обид, како и за неовластено изработување, држење, посредување и тргување со оружје.
Топ
Пукање во Арачиново од возило во движење, повредено едно лице
Попладнево дошло до престрелка во селото Арачиново, Скопско, пришто повредено е едно лице.
Според информациите од МВР, околу во 14.50 часот, во угостителски објект, од возило во движење Ф.М. пукал кон Д.Р., но го погодил С.А..
„На С.А. му е укажана лекарска помош од страна на Итна медицинска помош“, информираат од МВР, од кадешто додаваат дека се преземаат мерки за расчистување на случајот.