Црна хроника
Почина гостиварката која во петокот ја застрела сопругот

Четириесет и едно годишната гостиварка која во петокот беше застралана од својот сопруг, утрово починала на Клиниката за неврохирургија во Скопје
Лекарите не успеале да ги санираат тешките повреди на главата кои ги здоби откако нејзиниот сопруг во петокот утрото пукаше во неа во кругот на Гостиварската болница. Истражниот судија од гостиварскиот суд, наредил обдукција на телото, по што точно ќе се знае под кои околности настапила смртта.Нејзиниот 47-годишен сопруг кој потоа се самозастрела, се’ уште е хоспитализиран во Кома центарот при скопскиот Клинички центар, од каде велат дека неговата состојба е критична и лекарите се борат за неговиот живот.Според досегашбните сознанија на полицијата, Б.Д. 47-годишен такстист од Гостивар околу 10 часот утрото во петок ја застрела својата 41-годишна сопруга Д.Д. во дворот на болницата. Набрзо потоа се обидел да се самоубие на самото место, но не му пошло од рака, па заминал во домот каде дестина минути си испукал куршум во слепочоницата.Двајцата сопружници претходно имале вербална расправија, по што сопругот наеднаш ја турнал на земја сопругата и го извадил пиштолот што го носел во појасот а го поседувал без дозвола.Двајцата зад себе имале по еден брак и три деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Групна тепачка во Батинци

На 29 август 2025 година, околу 23:30 часот, во село Батинци кај Скопје избила групна тепачка во која учествувале повеќе лица, потврдија од МВР.
Според информациите, поради претходно нарушени меѓусоседски и семејни односи, дојде до физичка пресметка помеѓу две групи жители на Батинци, во која биле употребени тврд предмети и остри оружја.
Во првата група учествувале Ф.С. (27), Е.С. (18), Р.С. (22), С.С. (36) и С.С. (29), сите од Батинци, а во втората М.М. (21), Д.М. (20), Е.М. (22), Г.М. (24), Џ.М. (65), сите од истото село и И.Б. (19) од Тетово.
Од МВР информираат дека увид е извршен и случајот е целосно документиран, а по завршувањето на постапката ќе следуваат соодветни кривични поднесоци против учесниците.
Црна хроника
Четири лица, меѓу кои и деца повредени во сообраќајка во Коњари

На автопатот „Гоце Делчев“, во близина на клучката Коњари, вчера попладне се случила тешка сообраќајна несреќа во која се превртело патничко возило „хонда“ со скопски регистарски таблички, информира МВР.
Несреќата се случила на 30 август, околу 13:15 часот, во правец од Свети Николе кон Скопје. Возилото го управувал 36-годишниот З.Н. од Скопје.
Според информациите, со тешки телесни повреди се здобила малолетна сопатничка, а со телесни повреди се здобиле возачот, неговата сопатничка С.Н. (36) и уште едно малолетно лице. Повредените се пренесени во Комплексот клиники „Мајка Тереза“ во Скопје.
Извршен е увид од екипа на СВР Скопје, а причините за несреќата се испитуваат.
Топ
Притвореник побарал лекарска помош и починал во ќелија во затворот во Шутка

Притвореник од Долно Коњари вчера починал во КПУ Затвор Скопје, информираат од полицијата.
-На 30.08.2025 околу 15:30 часот во СВР Скопје од страна на вработен во КПУ Затвор Скопје е пријавено дека М.П. (54) од Д. Коњари, кој бил во притвор, побарал лекарска помош. Од страна на доктор од Итна медицинска помош во 15:58 часот била констатирана смрт, без траги на насилство, се наведува во соопштението од полицијата.