Црна хроника
Доживотен затвор за убиството на полицаецот Арифи

Доживотен затвор за тројцата првообвинети Реџаил Керими, Агим Исамаили и Алмир Дрпјанин на кој му се суди во отсутство, пресуди денеска Кривичниот суд во Скопје, за убиството на полицаецот Африм Арифи, кое се случи пред 1,5 година на паркингот кај ПМФ
Четвртообвинетиот Рамадан Шачири доби шест години затвор за помагање при убиството.Притворот ќе им се продолжи се до правосилноста на пресудата.Адвокатот на обвинетите најави жалба по пресудата до Апелацискиот суд.Роднините на осудените, обвинуваат дека ова е монтиран случај и дека нема докази.Сопругата на Исмаили, тврди дека нејзиниот сопруг бил само еден месец во Македонија и дека цело време живееле во Германија. Таа тврди дека нејзиниот сопруг е осуден врз основа на докази кои се најдени на опушок од цигара и конзерва од паштета.Убиството на полицаецот Арифи се случи во октомври 2008 година кога обвинетите пукаа на полициско возило во близина на Природно-математичкиот факултет во Скопје. Во нападот други двајца полицајци без повредени
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.