Наплатната рампа „Глумово“ на патот Тетово Скопје била ограбена ноќеска од страна на две засега непознати вооружени лица, кои однеле околу 70 илјади денари

Според полицијата ноќеска во 02.30 часот на наплатната рампа „Глумово“ две непознатилица со возило Голф-2 со црвена боја, извршиле разбојништво на наплатната рампа Глумово.Тие од вработениот Ф.М.(1975) од с.Љуботен, кој работел на наплатната рампа број 8 за влез во Скопје, одземале 13.000,00 денари, од Л.Ј.(1976) од Скопје, кој работел на наплатна рампа број 1, зеле 31.000,00 денари, лични документи  (лична карта и возачка дозвола),  клучеви од ПМВ Форд и два мобилни телефони марка „ЛГ“ и „Самсунг“, со што лично е оштетен за 9.000,00 денари. Потоа продолжиле кај М.А.(1977) од Скопје, кој работел на наплатна рампа број 7,  а од кого одзеле 17,060,00 денари. Непознатите лица со нивното ПМВ се доближиле до наплатната рампа број 8 каде работел Ф.М., по што ги извадите и репетирале пиштолите. Тие му наредиле на нечист македонски јазик да ги предаде парите. Во еден момент едно од лицата го удрило во пределот на левата страна од главата, му ги земале парите, по што едното од нив се упатило кон наплатната рампа број 1, од каде од Л.Ј. ги одзело парите, додека другото се упатило према наплатната рампа број 7 каде од М.А. ги одзело парите, а потоа со ПМВ напуштиле лице место, стекнувајки се со противправна имотна корист од околу 70.000,00 денари. Полицијата превзема мерки за пронаоѓање на лицата.