Деветнаесетгодишно момче било намамено од таксист со кој се знеаеле од порано и однесено во стан било тепано пет часа. Тепачот му се заканил на момчето да не кажува никому, соопшти МВР

На паркингот на Средно Водно, Д.Т.(21) од Скопје со закана по живот го натерал Н.Т.(19), со кој се знаел од порано да влезе во такси возило на компанијата “Пролет“. Откако Н.Т. влегол во возилото, бил однесен во станот на Д.Т. во близина на Зелен Пазар.Таму Д.Т. го заклучил Н.Т. и почнал да го удира со раце и нозе во пределот на главата и телото, навредувајќи го со погрдни зборови. Малтретирањето траело пет часа, по што момчето било ослободено, но под закана да не кажува на никого.По ослободувањето истиот побарал лекарска помош во Ургентен Центар, а настанот бил пријавен и во полиција. Тепаното момче не сакало да го каже мотивот и причината за малтретирањето, а Д.Т. е уапсен. По целосно расчистување на случајот, против него ќе биде поднесена соодветна кривична пријава.