Црна хроника
Убиецот на работникот од ЕВН уапсен на Косово
Косовската полиција го уапси Мухамед Иса (22), чие име стои на листата на македонски криминалци кои се кријат на Косово, која македонското МВР му го соопшти на косовскиот министер за внатрешни работи, Бајрам Реџепи
Портпаролот на косовската полиција, Арбер Бека за Макфакс потврди дека Иса е уапсен поради илегален премин на границата, но детали најави за подоцна.Пред околу еден месец, Мухамед Иса го застрела Рамадан Рамадани, вработен во ЕВН, поради тоа што му ја исклучил струјата во неговата чајџилница.По убиството, Иса избега,а полицијата го уапси неговиот татко Екрем Иса и му поднесе кривична пријава за недозволено поседување на оружје.
Иса досега немал полициско досие, но неговиот татко Екрем бил обвинет и осудуван на затворски казни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен Турчин, криумчар на мигранти: пронајдени три лица од Египет и три лица од Алжир
Вчера вечер, околу 21:30 часот на бензинска пумпа на автопатот Скопје- Куманово, полициски службеници го лишија од слобода 33-годишниот О.К. од Турција, затоа што со возило „шкода“ со косовски регистарски ознаки, превезувал шест лица мигранти, тројца од Египет и тројца од Алжир.
Претходно, на наплатната станица Романовце, тој не застанал на даден знак од полициските службеници, но по преземени мерки возилото е пронајдено, О.К. е лишен од слобода и по документирање на случајот против него ќе биде поднесена соодветна кривична пријава.
Црна хроника
Бил агресивен кон неговата сестра па нападнал полицајци: кривична пријава за 27-годишен тетовец
СВР Тетово поднесе кривична пријава против А.И.(27) од Тетово.
Тој се сомничи за сторено кривично дело „загрозување на сигурноста“ и „напад врз службено лице при вршење работи на безбедноста“.
Имено на 05.01.2026 пред угостителски објект, пријавениот агресивно се однесувал кон неговата сестра, а подоцна во угостителскиот објект физички нападнал полициски службеници кои вршеле службени дејствија.
Црна хроника
Измамена тетовка: платила за работна виза за Германија, останала без виза и без пари
Синоќа во 20:00 часот во СВР Тетово, 32-годишна жена од Тетово пријавила дека била измамена од едно лице од Тетово за сума од 3.000 евра.
Според пријавеното, во текот на 2024 година, таа се договорила со лицето да ѝ посредува за добивање работна виза за Германија и притоа парите му ги исплатила во неколку наврати.
Како што е пријавено, услугата не била извршена, а кога стапила во контакт со него и си ги побарала парите, започнал расправија, а подоцна бил недостапен.
Се преземаат мерки за расчистување на случајот, соопшти полицијата.

