Црна хроника
Разбиена петчлена криминална група што шверцувала хероин
Разбиена петчлена криминална група која подолг период шверцувала хероин преку Македонија за Западна Европа. Во вчерашната полициска акција во Струга, двајца стружани и еден гостиварец се уапсени, двајца се во бегство, а запленети се два килограми хероин
Четириест и седумгодишниот Феим Рамо, познат струшки бизнисмен и неговиот 29-годишен син Кренар Рамо од Струга ја договорале набавката на хероинот, 29-годишниот Рефет Инери од Гостивар го организирале транспортот, додека 26-годишниот Здравко Илиески и Дарко Србиновски (32) од Гостивар ја пренесувале дрогата..Полицијата во средата околу 11.30 часот на влез во Македонија на граничниот премин Делчево сопреле возило „ауди А6“ со гостиварски регистерски таблички кое го управувал Илиевски, а сопатник бил Србиновски.При преглед на возилото во специјално направен бункер во задниот браник на возилото полицајците пронашле хероин, кој бил спакуван во четири пакувања со неправилна овална форма облепена со широка кафена селотејп лента.Полицијата вчера ги претресувала и домовите на Феим Рамо и другите членови на криминалната група. Во домот на Рамо биле пронајдени 51 илјади евра, 3.100 швајцарски франци и околу 250 парчиња муниција со различен калибар, а кај другите полицијата не нашла ништо.Феим Рамо и двајцата членови кои го возеле аудито се приведени, додека Кренер Рамо и Инери се во бегство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.