Црна хроника
Балканските полиции спречија шверц на 75 килограми хероин

Во координирана акција на полициите од регионот, а благодарение на информации обезбедени од страна на македонската полиција, во четврток во Грција е спречен шверц на дрога при што се откриени и запленети околу 74,5 килограми хероин наменет за пазарот во западна Европа, соопшти МВР
Во координирана акција на полициите од регионот, а благодарение на информации обезбедени од страна на македонската полиција, во четврток во Грција е спречен шверц на дрога при што се откриени и запленети околу 74,5 килограми хероин наменет за пазарот во западна Европа, соопшти МВР Акцијата била во рамки на операцијата „Босфор“ на македонската и турската полиција која подолго време работи на разоткривање криминална група составена од македонски државјани кои се занимаваат со меѓународен транспорт на поголеми количини на хероин од Турција во земјите на западна Европа. Спроведена била во соработка со канцеларијата во Атина на Американската служба за борба против дрога ДЕА и со грчката полиција при што е уапсен макеоднски државјанин во чие возило се пренесувала дрогата.„Во раните утрински часови во близина на Атина, Грција, од страна на грчката полиција сопрено е товарно моторно возило марка „МАН“ со скопски регистерски ознаки, управувано од Т.И.(28) државјанин на Република Македонија и при извршениот преглед на ТМВ во специјално изработен бункер во резервоарот за гориво пронајдени се околу 74,5 килограми наркотична дрога хероин, при што лицето е лишено од слобода.Наркотичната дрога хероин е набавена во Р.Турција, складирана во специјално направениот бункер, со намера преку Р.Грција, по морски пат, да се дистрибуира во некоја од земјите на Западна Европа. Набавната цена на запленетиот хероин се проценува на над еден милион евра, додека истиот на западноевропските пазари може да достигне цена помеѓу три и четири милиони евра.Од страна на единицата за борба против недозволена трговија со дрога во врска со случајот вчера се уапсени уште три лица, сите македонски државјани како организатори на транспортот. На влез во Македонија на ГП „Богородица“ од слобода е лишен Д.Ј.(52) од Скопје, а при обид да ја напуштат територијата на Македонија на ГП „Табановце“ исто така вчера од слобода се лишени и скопјаните Н.Д.(50) и М.Г.(27).Од страна на ООК до Основно Јавно обвинителство за организиран криминал и корупција е поднесен посебен извештај за сторено кривично дело “неовластено производство и пуштање во промет на наркотични дроги, психотропни супстанци и прекурсори” покрај против тројцата скопјани и против О.М.(70) државјанин на Р.Турција и Србија.Истражен судија на лицата им одредил притвор во траење од 30 дена. Лицето О.М.(70) државјанин на Р.Турција и Србија не е достапен на органите на прогонот. Грчката полиција на Т.И.(28) во врска со недозволена трговија со дрога, ќе му поднесе кривична пријава во Р.Грција.Заради целосно расчиствување на случајот, врз основа на добиена наредба од надлежен истражен судија вчера во 16,30 часот извршени се претрес на дом и други простории кај Д.Ј.(52), Н.Д.(50) и М.Г.(27), при што во домот на Д.Ј.(52) се пронајдени два пиштоли без дозвола, 90 куршуми различен калибар, документација од нотар за ТМВ на име Зоран С., кој на 21.09.2009 година во Истанбул, Турција е уапсен со 134,5 кг. хероин (заедничка операција на македонската и турската полиција).При претрес на дом и други простории кај М.Г.(27) се пронајдени 29 куршуми калибар 7,62 мм. за автоматска пушка, четири пара регистарски таблици кои се пријавени за изгубени, меѓународен договор за транспорт на име на Т.И. и други документи за Зоран С. За време на останатите претреси на дом и други простории не се пронајдени предмети поврзани со кривично дело.Пријавените лица, според досега документираните сознанија на МВР, се дел од организирана криминална група која подолг временски период организира транспорти на поголеми количини на хероин од Турција преку Македонија во земјите на Западна Европа и за дел од групата од страна на ООК на 3 јуни, годинава е поднесена кривична пријава во врска со заплена на 2 килограми хероин извршена претходниот ден на граничниот премин „Делчево”.Во првиот дел од акцијата кривично беа пријавени Ф.Р.(47), К.Р.(29), И.Р.(29), С.Д.(32) и И.З.(26). Во седумте досегашни продолженија на операцијата „Босфор“ запленети се околу 340 килограми чист хероин кој на западноевропските пазари вреди над 13 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.