Црна хроника
Завршни зборови во случајот Раскољников
Обвинителството се повлече од обвинението за Виктор Карамарков за убиството на Босилка Красоевиќ поради немање на докази и побара тој да биде осуден за четири убиства и два обида за убиство
Обвинителот, повикувајќи се признанието на Карамарков дадено за време на истрагата, побара тој да биде осуден со соодветна казна поради тоа што при извршувањето на убиствата бил пресметлив, а жртвите ги ликвидирал поради бизарни причини. Од нив го одземал златото што подоцна го продавал, за да обезбеди средства за дрога.Бранителот на Карамарков, адвокатот Сашко Дуковски, побара неговиот клиент да биде ослободен, поради тоа што обвинението не се темели ниту на директни докази, ниту на сведоци, туку само на исказот на Карамарков. Лут е што застапниците по службена должност на Карамарков не му дале никаков совет за време на истрагата и смета дека покажале незаинтересираност за случајот.„Јас сум гневен на такво постапување на моите колеги. Доколку не сакале да се нафтата, не морале да се нафтата да бидат адвокати по службена должност. Кога веќе прифатиле, требало цело стручно знаење да го применат. Доколку повеќе што едниот по толку време, го откажал полномошното. Срамота е тоа“, рече адвокатот Дуковски.Карамарков пред судот рече дека таквиот исказ го дал под дејство на наркотици и само го потврдувал тоа што му го цитирале. Вели дека три дена го држеле во простории на непозната локација во која имало слика на Јосип Броз – Тито и дека не му бил обезбеден адвокат. Побара да биде ослободен од обвинението.Пресудата ќе биде соопштена за пет дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.