Месечно по три случаи на семејно насилство се регистрирани во Секторот за внатрешни работи Велес, односно вкупно 19 за првото полугодие од годинава, речиси двојно поголем е бројот на граѓани што се пожалиле за насилство во кругот на семејството

Од Дијана Иванова, Велес

Велешката полиција  до Основното јавно обвинителство поднела 15 кривични пријави. Другите насилници добиле усно или писмено предупредување.„Кога станува збор за семејно насилство тука најчесто причините се нарушени односи во емејството. Значи жртви се и жените и мажите но за жал и децата во семејството, рече Анита Стојковска, портпарол на СВР Велес.Во зградата на полициската станица во Велес функционира прифатилиште за жртви, а од неодамна започна да работи и сервис за помош на жртвите од семејно насилство. Во него жителите на Велес, Градско и Чашка ќе добиваат бесплатна правна помош и адвокатот кој  ќе ги застапува жртвите од семејно наилство при евентуални судски процеси. Жртвите можат да се јават на телефонскиот број 043 211 151 на кој ќе можат да добијат правни совети. Според полицијата, бројката на регистрирани случаеви на семејно насилство е нереална. Истаржувањата покажуваат дека жртвите се срамат да го пријават наилството во семејството.  Друга причина за преќутување на насилството е и заканата од страна на насилникот. Во голем број случаи станува збор за физичко но се почесто е и емотивното насилство.Бројките на СВР Велес покажуваат дека семејното насилство во велешкиот регион бележи пораст. Токму затоа е отворен овој центар кој работи секој ден од 10 до 13 часот.