Црна хроника
Се трага по третиот српски државјанин инволвиран во тепачката во Охрид
Охридската полиција се уште нема информации за причините и учесниците во крвавиот настан, а во се’ уште се врши распит на приведените инволвирани во трагичниот настан од петокот наутро кога во тепачка животот го загуби 34-годишниот турист од Белград Дејан Новаковиќ
Во Охрид во петокот пристигнаа и претставници од амбасадата на Република Србија во Република Македонија кои се сретнаа и имаа разговори со надлежните органи. Покрај инволвираноста на двете групи српски туристи во инцидентот, според шпекулациите на охридсата чаршија групата којашто го претепала момчето кои почина е од Охрид. Во Охридската полиција во петокот на разговор беа повикани триесетина лица, меѓу кои и еден од сопствениците на локалот каде започнала тепачката. Тој како што изјави портпаролот на МВР, Иво Котески, се вмешал во расправијата која избувнала помеѓу две групи српски туристи, затоа што препознал свој пријател во караницата. Притоа, информираше полицијата, тој бил нападнат од сега починатиот, по што во тепачката се вклучило и обезбедувањето на клубот „Хавана“, како и други лица.Kако што пренесува охридското Супер радио, жестоката расправија почнала во клубот „Хавана“, продолжила со бркотници на блиската улица а завршила со масовна тепачка.На тротоарот пред дирекцијата на манифестацијата „Охридско лето“ и пред поштата во Охрид во петокто се’ уште биле видливи трагите од крв, кои се сведоци на тепачката во која рано наутро во петокот живото го загуби Дејан Новаковиќ од Белград.Во Охрид кој е потресен од трагедијата, граѓаните изразуваат згрозеност од немилиот настан.Очевидците велат, страшна беше глетката на крвиот инцидент.„Прво се направи гужва во диското. Не знам за што беше расправијата но тепачката започна тука по што како фурија сите истрчаа надвот. Видов дека момчето бегаше и викаше ’Помош’’, вели еден очевидец кој вечерта се забавувал во ноќниот клуб заедно со својата девојка, пренсува Супер радио..„Со клоци и тупаници маваа по момчето кое беше паднато на земја. Се слушаа и викотници но во еден миг сите се разбегаа“, вели друг очевидец.Српските медиуми јавуваат дека Дејан бил познат спортист кој живеел во Нов Белград. Тој зад себе ја остави сопругата Сандра, мајката Сека и три ќерки од кои најстарата за неколку дена ќе наполни девет години, а најмладата има само неколку месеци.Дејан заминал во Охрид пред неколку дена со својот другар Горан Периќ кој работи како туристички водич.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Скопјанец репетирал пиштол во угостителски објект во Центар, кај него била пронајдена дрога
Скопјанец извадил пиштол и го репетирал во угостителски објект во Центар, а полицијата кај него пронајде и дрога.
Според информациите на МВР, вчера во 16:15 часот во Скопје на подрачјето на Центар полициски службеници го уапсија И.С.(32) од Скопје, по претходна пријава од вработен во угостителски објект дека околу 13:35 часот пријавениот извадил пиштол, го репетирал и им се заканувал на вработените, по што го напуштил објектот.
При преглед кај И.С. биле пронајдени и одземени бела грутчеста материја, бела прашкаста материја, таблети и пиштол на дијаболи. По целосно документирање на случајот ќе следува соодветен поднесок.
Црна хроника
Загина жител на Кавадаречко, го прегазил трактор
Денеска во 09:00 часот во полиција е пријавено дека на локалниот пат кон село Дреново, кавадаречко, трактор со кавадаречки регистерски ознаки, управуван од С.Д.(53) од село Дреново, излетал надвор од патот, при што С.Д. паднал и бил прегазен од тракторот.
Лекар од Итна медицинска помош Кавадарци констатирал смрт.
Увид извршил јавен обвинител во содејство со увидна екипа од ОВР Кавадарци. По наредба на јавен обвинител, телото на починатиот е предадено за обдукција.
Македонија
Откриен еден од убијците во Чашка, по вториот се трага – жртвата намамена, застрелана во главата и оставена покрај патот
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство.
На 5 ноември, во местото викано Поројница, во близина на земјениот пат од Чашка кон селото Бусилци, осомничениот заедно со уште едно лице кое се уште не е идентификувано, го убиле велешанецот Ѓело Ѓошев.
Најпрво осомничениот го намамил и со својот автомобил го однел оштетениот на локацијата. Потоа заедно со другото лице пукале во него со огнено оружје, нанесувајќи му прострелна рана во черепот од која жртвата починала.
Осомничениот претходно бил сторител на кривично дело разбојништво, а според дел од доказите кои веќе се обезбедени, по убиството во Чашка се обидел да ги прикрие трагите и со тоа да влијае на постапката.
Од тие причини, за јавниот обвинител јасни се опасноста од бегство, можноста за влијание на сведоците и ризикот да го повтори делото, па достави предлог за определување мерка притвор.
По наредби на јавниот обвинител МВР интензивно работи на откривање и на другиот соизвршител, како и на точните мотиви за убиството.

