Црна хроника
Осомничениот за убиството во Аеродром пред истражен судија
Осомничениот за тројното убиство што синоќа се случи во скопската населба Аеродром, по информативниот разговор во полициска станица, вечерва беше изведен пред истражен судија
Ладнокрвно, исто како што е извршено убиството во четврток навечер во ресторанот „Биг фиш“, осомничениот вечерва се појави и пред истражниот судија.Четириесет иседум-годишниот Тони Денковски од Скопје, кој утрово сам се пријави во полициска станица и призна дека пукал во двајцата велешани и скопјанецот.Министерката за внатрешни работи, Гордана Јанкулоска, во петок на прес-конференција. изјави дека поради тежината на кривичното дело, на Денковски најверојатно ќе се настојува да му биде одредена мерка притвор.Мотив за убиството, најверојатно се нерасчистени должничко-доверителски односи, меѓу осомничениот Денковски и убиениот Јордан Јорданов, со прекар Ркулот, во јавноста познат по вмешаност во случајот „Франкфурт мафија“.Полицијата се уште истражува зошто настрадаа Владо Милошев и Влатко Андреевски, кој синоќа седеле на иста маса со Јорданов ако првично се знае дека цел на напаѓачот бил само Ркулот. МВР нема информации зошто во тоа друштво бил Милошев, полициски службеник кој работел во одделот за обезбедување на странски делегации. Министерката Јанкулоска најави дека ќе се истражат шпекулациите дека токму нивниот припадник бил врската меѓу подземјето и полицијата.Вчера, малку пред 20 часот, Тони Денковски влегол во „Биг фиш“, со автоматска пушка пукал кон жртвите. Јорданов почина на лице место, а двајцата на повредите им подлегнаа во Ургентниот центар. Денковски го фрлил оружјето пред рибарницата и со автомобил Опел корса избегал од местото на инцидентот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.